Internet आणि Smartphone शिवाय असे ट्रान्सफर करता येतील पैसे

डिजीटल पेमेंटला प्रोत्साहन देण्यासाठी रिझर्व्ह बँक ऑफ इंडियाने UPI123 सर्विस लाँच केली आहे. नवी UPI सर्विस खास फीचर फोन्ससाठी लाँच करण्यात आली. परंतु स्मार्टफोनसाठी आधीच एक सुविधा आहे, ज्याद्वारे इंटरनेट नसतानाही पेमेंट करता येतं.

NPCI एक असं फीचर ऑफर करतं ज्यात युजर्स विना इंटरनेट डिजीटल पेमेंट करू शकतील.

USSD बेस्ड NPCI मोबाइल बँकिंग सर्विस नोव्हेंबर 2012 मध्ये लाँच करण्यात आली होती. USSD बेस्ड या फीचरच्या मदतीने युजर्स UPI चा विना इंटरनेट वापर करू शकतात.

NPCI ने *99# सर्विस लाँच केली त्यावेळी फीचर फोनचा मोठ्या प्रमाणात वापर केला जात होता. ही सर्विस स्मार्टफोन आणि फीचर फोन दोन्हीसाठी वापरता येऊ शकते. त्यासाठी काही महत्त्वाच्या गोष्टी असणं गरजेचं आहे. युजरचा फोन नंबर बँक अकाउंटशी लिंक असणं आवश्यक आहे.

कसं कराल पेमेंट - सर्वात आधी *99# कोड की-पॅडवर टाइप करुन कॉल करावा लागेल. इथे अनेक पर्याय दिसतील. त्यात पहिला पर्याय Send Money असल्यास त्यासाठी 1 डायल करा.

त्यानंतर पेमेंट कसं करायचं हे विचारलं जाईल. या फीचरच्या मदतीने मोबाइल नंबर, यूपीआय आयडी, IFSC कोड किंवा प्री-सेव्ह बेनिफिशियरीला पेमेंट करू शकता. यापैकी एक पर्याय निवडावा लागेल आणि डिटेल्स भरुन Send वर क्लिक करावं लागेल.

शेवटी UPI PIN टाकावा लागेल आणि सेंडवर क्लिक करावं लागेल. अशाप्रकारे विना इंटरनेट UPI Payment करू शकता. हे फीचर केवळ MTNL आणि BSNL युजर्स वापरु शकतात.