चुकूनही वापरु नका WhatsApp चं हे अनधिकृत वर्जन; Account होऊ शकतं बॅन

काही डेव्हलपर्सनी काही फीचर्सचा वापर करुन एक असं अ‍ॅप बनवलं आहे, ज्यात युजर्स आपल्या ओरिजनल व्हॉट्सअ‍ॅप चॅटला ट्रान्सफर करू शकतात. परंतु हे व्हॉट्सअ‍ॅपचं अनधिकृत वर्जन आहे. पण हे अ‍ॅप अगदी खऱ्या व्हॉट्सअ‍ॅपप्रमाणेच दिसतं.

यात खऱ्या व्हॉट्सअ‍ॅपमध्ये न मिळणारे फीचर्सही मिळतात. हे व्हॉट्सअ‍ॅप GB WhatsApp आणि WhatsApp Plus आहे.

GB WhatsApp व्हॉट्सअ‍ॅपचं एक मॉडिफाय वर्जन आहे. हे खऱ्या व्हॉट्सअ‍ॅपहून वेगळं असून युजर APK फाईलमध्ये ते डाउनलोड करू शकतात.

या GB WhatsApp चा खऱ्या WhatsApp शी काहीही कनेक्शन नाही. हे Apple App Store आणि Google Play Store वरही उपलब्ध नाही. हे अ‍ॅप थर्ड पार्टी डेव्हलपर्सनी बनवलं आहे. तरीही अनेक युजर्सही हे GB WhatsApp डाउनलोड केलं आहे.

WhatsApp कडून 2019 मध्ये अशा युजर्सची अकाउंट्स बॅन केली होती, जी GB WhatsApp शी जोडलेली होती. तसंच जे युजर्स या अकाउंट्सचा वापर करतील त्यांचं WhatsApp अकाउंट बॅन केलं जाईल, असा इशाराही देण्यात आला होता.

GB WhatsApp मुळे युजरला धोका निर्माण होऊ शकतो. या अ‍ॅपला कोणतंही सिक्योरिटी चेक नाही. खऱ्या अ‍ॅपप्रमाणे यात डेटा सुरक्षित नाही. तसंच प्रायव्हसीबाबतही सुरक्षा मिळत नाही.

APK फाईल असल्याने, धोकादायक व्हायरल, मालवेअर फोनमध्ये येऊ शकतो. त्यामुळे फोन हॅक होण्याचा धोका आहे. त्यामुळे खऱ्या WhatsApp शिवाय इतर कोणतंही व्हॉट्सअ‍ॅप न वापरण्याचा सल्ला कंपनीकडून देण्यात देत आहे.