Virat Kohli : 18 नंबरची जर्सी का घालतो विराट? स्वतः विराट कोहलीने सांगितलं यामागचं कारण

भारताचा माजी कर्णधार विराट कोहली आंतरराष्ट्रीय क्रिकेटमधील सर्वात घातक फलंदाज फलंदाजांपैकी एक असून त्याने 15 वर्षांच्या कारकिर्दीत आंतरराष्ट्रीय क्रिकेटमध्ये 25 हजार हून अधिक धावा केल्या आहेत. विराटने नुकतेच आंतरराष्ट्रीय क्रिकेटमधील त्याचे 75 वे शतक ठोकले आहे.

विराट कोहलीने नुकतेच एका कार्यक्रमात तो 18 नंबरचीच जर्सी का घालतो याबद्दल खुलासा केला.

mविराटने सांगितले, "18 नंबरची जर्सी घालण्यामागे सुरुवातीला काही विशेष कारण नव्हते. जेव्हा भारताच्या अंडर 19 संघामध्ये सहभागी झालो तेव्हा देण्यात आलेल्या जर्सीवर 18 नंबर लिहिलेला होता".

त्यानंतर 18 ऑगस्ट 2008 रोजी विराटचा भारतीय संघात समावेश झाला आणि त्याने आंतरराष्ट्रीय क्रिकेटमधील त्याची पहिली मॅच खेळली.

पुढे विराटने सांगितले, माझ्या वडिलांचे निधन ही माझ्या आयुष्याला कलाटणी देणारी एक दुःखद आणि महत्वाची घटना होती. त्यांचे निधन देखील 18 डिसेंबर रोजी झाले. त्यामुळे 18 क्रमांकाशी माझा असलेला संबंध मला कालांतराने उलगडत गेला.

विराट कोहली सध्या आयपीएलचा 16 वा सीजन खेळण्यासाठी सज्ज होत आहे. विराटने यंदाच्या आयपीएलसाठी नवा लूक केला असून त्याचा फोटो सध्या सोशल मीडियावर व्हायरल होत आहे.