Tokyo Olympics: भारताचे ऑलिम्पिकमध्ये तगडे आव्हान, 8 जण आहेत गोल्ड मेडलचे दावेदार

मुंबई, 9 जुलै : टोक्यो ऑलिम्पिकला (Tokyo Olympics) 23 जुलैपासून सुरुवात होणार आहे. कोरोना व्हायरसचा धोका या संपूर्ण स्पर्धेवर आहे. त्यामुळे टोक्यो शहरात आणिबाणी लागू करण्याची घोषणा जपान सरकारने केली आहे. असं असलं तरी खेळाच्या मैदानात थरारक लढती आणि नव्या विक्रमांची नोंद होईल. भारताची आजवरची सर्वात बलाढ्य टीम या ऑलिम्पिकमध्ये उतरणार असून यंदा तब्बल 8 जण गोल्ड मेडलचे दावेदार आहेत. (Instagram/Bajrang Punia)

रियो ऑलिम्पिकमध्ये सिल्व्हर मेडल जिंकणारी बॅडमिंटनपटू पीव्ही सिंधूकडून भारतीय फॅन्सना गोल्ड मेडलची अपेक्षा आहे. सिंधूनं दोन वर्षांपूर्वी वर्ल्ड चॅम्पियनशिपमध्ये गोल्ड मेडल जिंकले होते. या ऑलिम्पिकमध्ये ती या मेडलची प्रबळ दावेदार आहे. (PV Sindhu/Instagram)

तिरंदाज दीपिका कुमार (Deepika Kumari) गेल्या 10 वर्षांपासून भारतीय तिरंदाजीचा चेहरा आहे. दीपिकानं 2010 साली दिल्लीमध्ये झालेल्या कॉमनवेल्थ गेम्समध्ये दोन गोल्ड मेडल जिंकले होते. दीपिकाला लंडन (2012) आणि रियो ऑलिम्पिक (2016) स्पर्धेचा अनुभव आहे. यंदा फॉर्मात असलेल्या दीपिकाकडून भारताला मोठ्या अपेक्षा आहेत. (Deepika Kumari/Instagram)

भालाफेकपटू नीरज चोप्रा (Neeraj Chopra) देखील गोल्ड मेडलचा दावेदार आहे. त्याने 2016 साली झालेल्या ज्यूनियर वर्ल्ड कप स्पर्धेत नव्या वर्ल्ड रेकॉर्डची नोंद केली होती. चोप्रानं 2020 साली फक्त एकाच स्पर्धेत भाग घेतला होता. त्यामध्ये त्याने 87.86 मीटर थ्रो करत ऑलिम्पिकचं तिकीट मिळवलं. (Instagram)

एशियन गेम्स आणि कॉमनवेल्थ गेम्समध्ये गोल्ड मेडल जिंकणारा कुस्तीपटू बजरंग पुनीयावर (Bajrang Punia) मोठी भिस्त आहे. पुनिया 65 किलो वजनी गटात सहभागी होणार आहे. या गटातील तो सध्या वर्ल्ड नंबर 1 कुस्तीपटू आहे. (Instagram)

महिला कुस्तीपटू विनेश पोगाट (Vinesh Phogat) 53 किलो वजनी गटात यंदा खेळणार आहे. एशियन गेम्स आणि कॉमनवेल्थ गेम्समध्ये तिने गोल्ड मेडल मिळवले आहे. मागील ऑलिम्पिकमध्येही ती दावेदार होती. पण, दुखापतीमुळे तिला क्वार्टर फायनलमधून माघार घ्यावी लागली होती. (Instagram)

भारताची युवा नेमबाज इलावोनिल वलारीन (Elavenil Valarivan) देखील गोल्ड मेडलची दावेदार आहे. 21 वर्षांच्या इलावोनिलनं यापूर्वी अनेक पदकांची कमाई केली आहे. ती टोक्यो ऑलिम्पिकमध्ये कमाल दाखवण्यासाठी सज्ज झाली आहे. या ऑलिम्पिकमध्ये भारतीय नेमबाजांच्या टीमलाही गोल्ड मेडल मिळण्याची शक्यता आहे. (Twitter/Elavenil Valarivan)

स्टार बॉक्सर अमित पंघालकडूही मोठी अपेक्षा आहे. तो 52 किलो ग्रॅम वजनी गटात सहभागी होणार आहे. (PC- SAI)

मनू भाकर (Manu Bhakar), सौरभ चौधरी, यशस्विनी देसवाल यांच्याकडूनही भारताला अपेक्षा आहे. मनू भाकरनं 2018 साली झालेल्या यूथ ऑलिम्पिकमध्ये गोल्ड मेडल पटकावले होते. (Manu Bhaker Twitter)