10 महिन्यांच्या चिमुरड्यात सचिनला दिसली स्वत:ची छबी! PHOTO केले शेअर

मास्टर ब्लास्टर सचिन तेंडुलकर म्हणजे भारतीयांसाठी क्रिकेटचा देव. आजही मैदानात कोणताही सामना असो सचिन...सचिन....सचिनचा आवाज स्टेडियमभर घुमतो.

20 वर्ष भारतासाठी क्रिकेट खेळल्यानंतर 2012मध्ये एकदिवसीय क्रिकेटमधून तर 2013मध्ये कसोटीमधून सचिनने निवृत्ती घेतली. मात्र आजही सचिनचे चाहते जगाच्या कानाकोपऱ्यात आहेत.

अशाच एका 10 महिन्याच्या चिमुरड्याची इंटरनेटवर चर्चा आहे. 10 महिन्याच्या श्रेशथचे फोटो पाहून सचिनही भावूक झाला.

सचिनने हे फोटो ट्वीट करत, या मुलात स्वत:ची छबी दिसल्याचेही सांगितले. या मुलाच्या बाबांनी हे फोटो शेअर केले.

या फोटोमध्ये हा चिमुरडा सचिनच्या 10 क्रमांकाच्या जर्सीसोबत, किट बॅग, पॅड आणि बॅट घेऊन उभा आहे.

सचिनने या चिमुरड्याचे फोटो शेअर करताना क्रिकेट खेळण्यासाठी वय नसते, असे कॅप्शन सचिनने दिले आहे.

सचिन तेंडुलकर रोड सेफ्टी वर्ल्ड सीरीज ही चॅरिटी मालिका खेळणार आहे. यात ब्रायन लारा, वीरेंद्र सेहवागसारखे दिग्गज खेळाडू असणार आहे.