पाकिस्तानच्या क्रिकेटपटूचा निकाह; माजी कर्णधाराचा बनला जावई

भारताचे क्रिकेटपटू के एल राहुल आणि अक्षर पटेल यांच्या लग्नानंतर आता पाकिस्तानच्या क्रिकेट विश्वातही लग्नाचे वारे वाहू लागले आहेत. पाकिस्तानचा स्टार क्रिकेटर शाहीन शाह आफ्रिदी हा गुरुवारी लग्नबंधनात अडकला.

शाहीनने पाकिस्तानचा माजी कर्णधार शाहिद आफ्रिदी याच्या मुलीशी लग्न केले असून क्रिकेट विश्वात या लग्नाची जोरदार चर्चा सुरु आहे.

कराची येथे शाहीन आणि अंशा या दोघांचा विवाह पारपडला.

या लग्नात पाकिस्तान क्रिकेट संघातील अनेक खेळाडू तसेच पदाधिकारी उपस्थित होते.

अंशा ही शाहिद आफ्रिदीची मोठी मुलगी असून हा लग्नसोहोळा मुस्लिम पद्धतीने पारपडला.

या विवाहाचे फोटो आणि व्हिडीओ सोशल मीडियावर व्हायरल होत असून यावर शुभेच्छांचा वर्षाव केला जात आहे.