कोरोनाला घाबरले दिग्गज खेळाडू? आतापर्यंत 'या' 5 खेळाडूंनी घेतली IPLमधून माघार

यंदा आयपीएलचा तेरावा हंगाम दुबई, अबुधाबी आणि शारजाहला होणार आहे. 19 सप्टेंबरला पहिला सामना होणार असून 10 नोव्हेंबर रोजी अंतिम सामना खेळला जाणार आहे. या स्पर्धेत एकूण 10 डबल हेडर्स सामने असणार आहे.

मात्र हे हंगाम सुरू होण्याआधीच काही दिग्गज खेळाडूंनी स्पर्धेतून माघार घेतली. त्यामुळे कोरोनाच्या संकटात होणाऱ्या या स्पर्धेला हे खेळाडूही घाबरलेले दिसत आहेत.

चेन्नई सुपरकिंग्जचा दिग्गज फलंदाज सुरैश रैनानं अचानक भारतात परतण्याचा निर्णय घेतला. रैनानं वैयक्तिक कारण सांगत आयपीएलचा तेरावा हंगाम खेळणार नसल्याचे सांगितले. अद्याप रैनाची जागा संघात कोण घेणार याबाबत CSK संघाने कोणतीही माहिती दिलेली नाही आहे.

चेन्नई सुपरकिंग्ज संघाचा आणखी एक खेळाडू हरभजन सिंगनेही आयपीएल न खेळण्याचा निर्णय घएतला आहे. हरभजननेही वैयक्तिक कारण देत, युएइला न जाण्याचा निर्णय घेतला. CSK संघाने हरभजन संघची जागा कोण घेणार याबाबत माहिती मिळालेली नाही आहे.

इंग्लंडचा तुफानी ओपनर जेसन रॉय पाकिस्तानविरुद्ध झालेल्या टी-20 सामन्यादरम्यान जखमी झाला होता. नेट प्रॅक्टिस दरम्यान जेसनला दुखापत झाल्यामुळे त्यानं आयपीएलमधून माघार घेतली. जेसन दिल्ली कॅपिटल्स संघाकडून खेळत होता.

या यादीमध्ये मुंबई इंडिन्सच्या दिग्गज खेळाडूचेही नाव आहे. मुंबईचा स्टार गोलंदाज लसिथ मलिंगानं आयपीएलमधून माघार घेतली आहे. मलिंगाच्या जागी मुंबईनं संघात जेम्स पॅटिंन्सला जागा दिली आहे.

दिल्ली कॅपिटल्सकडून खेळणारा आणखी एका इंग्लंडच्या खेळाडूनं आयपीएलमधून माघार घेतली आहे. क्रिस वोक्सनं वैयक्तिक कारण देत, युएइला न जाण्याचा निर्णय घेतला. त्याच्या जागी दक्षिण आफ्रिकेचा गोलंदाज अॅनरिक नोर्त्जेला जागा देण्यात आली आहे.