IPL 2023 : केएल राहुलच्या दुखापतीबाबत मोठी अपडेट, लखनऊ सुपर जाएंट्सला धक्का

आयपीएल 2023 मधील 43 सामना रॉयल चॅलेंजर्स बँगलोर विरुद्ध लखनऊ सुपर जाएंट्स यांच्यात पारपडला होता. या सामन्यात लखनऊचा कर्णधार के एल राहुलला गंभीर दुखापत झाली होती. या दुखापतीनंतर राहुल वेदनेने विव्हळत मैदानाबाहेर पडल्याचे पाहायला मिळाले.

दुखापत झाल्यानंतर दुसऱ्याच दिवशी के एल राहुल लखनऊचा कॅम्प सोडून मुंबईत पुढील उपचार आणि टेस्ट करण्यासाठी रवाना झाला होता. त्यामुळे के एल राहुलची दुखापतीमुळे आयपीएलमधून माघार घेऊ शकतो अशी शक्यता व्यक्त केली जात होती. अशातच राहुलने शुक्रवारी त्याच्या सोशल मीडियावरून पोस्ट करत आपल्या प्रकृतीबाबत माहिती दिली आहे.

यात केएल राहुलने त्याच्या दुखापतीवर लवकरच शस्त्रक्रिया केली जाणार असल्याचे सांगितले. तसेच यामुळे तो आयपीएल 2023 चे उर्वरित सामने खेळणार नसून स्पर्धेतून बाहेर पडला आहे.

शस्त्रक्रियेनंतर पुन्हा मैदानात परतण्यासाठी केएल राहुलला साधारपणे तीन महिन्यांचा अवधी लागू शकतो. त्यामुळे तो जून महिन्यात होणाऱ्या वर्ल्ड टेस्ट चॅम्पियनशिपच्या फायनलला देखील मुकणार आहे. 7 ते 11 जून दरम्यान लंडन येथे भारत विरुद्ध ऑस्ट्रेलिया यांच्यात वर्ल्ड टेस्ट चॅम्पियनशिपचा अंतिम सामना पारपडणार आहे.

केएल राहुलने तो दुखापतीच्या कारणास्थव वर्ल्ड टेस्ट चॅम्पियनशिपच्या फायनल खेळण्यासाठी भारतीय संघासोबत लंडनला जाणार नसल्याचे आपल्या पोस्टमध्ये म्हंटले आहे. त्यामुळे लखनऊ सुपर जाएंट्स सह भारतीय संघाला देखील पुन्हा एकदा धक्का बसला आहे.