IND VS ENG: इंग्लंडचा फास्ट बॉलर जखमी, 'या' 2 जणांचा होणार 3 वर्षांनी समावेश!

मुंबई, 18 ऑगस्ट : भारताच्या विरुद्ध लॉर्ड्स टेस्टमध्ये (India vs England 2nd Test) पराभव झाल्यानंतर इंग्लंड टीममध्ये मोठे फेरबदल होण्याची चिन्हं आहेत. हेडिंग्लेमध्ये होणाऱ्या पुढच्या टेस्टमध्ये इंग्लंडची कमकुवत बॅटींग मजबूत करण्यासाठी दोन बॅट्समनचा टीममध्ये समावेश होण्याची शक्यता आहे. त्याचबरोबर लॉर्ड्स टेस्टमध्ये जखमी झालेल्या मार्क वूडचे खेळणे देखील अनिश्चित आहे. (फोटो: mawood33)

मीडिया रिपोर्टनुसार इंग्लंडच्या टीममध्ये जेम्स विन्स आणि टी20 मधील नंबर 1 बॅट्समन डेव्हिड मलान यांना इंग्लंडच्या टेस्ट टीममध्ये संधी मिळण्याची शक्यता आहे. इंग्लंडची बॅटींग दोन्ही टेस्टमध्ये फ्लॉप ठरली आहे (फोटो: AP)

विशेषत: रॉरी बर्न्स आणि डोम सिब्ली यांनी निराश केलं आहे. लॉर्ड्स टेस्टमधील दुसऱ्या इनिंगमध्ये या दोघांनाही खात उघडता आले नव्हते. त्यामुळे त्यांची तिसऱ्या टेस्टच्या टीममधून हकालपट्टी निश्चित मानली जात आहे. (फोटो: AP)

यो दोघांच्या जागेवर जेम्स विन्स आणि डेव्हिड मलान यांना संधी मिळण्याची शक्यता आहे. हे दोघंही सध्या 'द हंड्रेड' स्पर्धेत खेळत आहेत. मलान यापूर्वी 15 टेस्ट खेळला आहे. यामध्ये त्याने 27.84 च्या सरासरीनं 724 रन काढले आहेत. (फोटो: AP)

30 वर्षांचा जेम्स विन्सनं 13 टेस्टमध्ये 24.90 च्या सरासरीनं 548 रन काढले आहेत. हे दोघं 2017-18 साली झालेल्या अ‍ॅशेस सीरिजचमध्ये खेळले होते. खराब कामगिरीमुळे त्यांची हकालपट्टी झाली होती. आता अन्य पर्याय नसल्यानं त्यांचे 3 वर्षांनी पुनरागमन होण्याची शक्यता आहे. (फोटो: AFP)

इंग्लंडसाठी एक धक्कादायक बातमी आहे. फास्ट बॉलर मार्क वूड जखमी असून तो तिसऱ्या टेस्टमध्ये खेळण्याची शक्यता कमी आहे. यापूर्वी इंग्लंडचा फास्ट बॉलर स्टुअर्ट ब्रॉडनं दुखापतीमुळे या सीरिजमधून माघार घेतली आहे. (फोटो: AFP)

भारत विरुद्ध इंग्लंड यांच्यातील तिसरी टेस्ट 25 ऑगस्टपासून हेडिंग्लेमध्ये खेळला जाणार आहे. या टेस्टसाठी इंग्लंड टीमची घोषणा बुधवारी होण्याची शक्यता आहे. (फोटो: AP)