India vs Australia 1st ODI: ...म्हणून सामन्याआधी शूज न घालता मैदानात उतरला भारतीय संघ, कारण वाचून कराल सलाम

तब्बल 8 महिन्यांनंतर आज भारतीय संघ मैदानात उतरला आहे. भारत-ऑस्ट्रेलिया (India vs Australia) यांच्यातील पहिल्या एकदिवसीय सामन्याला आज सुरुवात झाली आहे. या सामन्यात ऑस्ट्रेलियानं टॉस जिंकत प्रथम फलंदाजीना निर्णय घेतला आहे.

मात्र या सामन्याआधी भारत आणि ऑस्ट्रेलियाचे खेळाडू शूज न घालता गोलकार स्थितीत उभे राहिले. मात्र हा सरावाचा भागा नसून एक चांगल्या कारणास्तव खेळाडूंनी हा निर्णय घेतला आहे.

या मालिकेत स्वदेशी लोकांच्या संस्कृतीचा सन्मान करण्यासाठी सामन्याआधी ऑस्ट्रेलियाचे खेळाडू मैदानात शूज न घालता गोलकार स्थितीत उभे राहिलेले दिसले. यात केवळ ऑस्ट्रेलियाचेच नाही तर भारतीय खेळाडूंचाही समावेश होता.

याआधी ऑस्ट्रेलियाचा कसोटी आणि एकदिवसीय उप-कर्णधार पॅट कमिन्सनं सांगितले की, त्यांच्या संघाला त्यांच्या देशात आणि जगात वर्णद्वेषाच्या समस्येचा सामना करण्याचा हा सर्वात चांगला मार्ग वाटत असल्याचे सांगितले.

एवढेच नाही तर, आजच्या सामन्यापूर्वी डोक्याला चेंडू लागून निधन झालेल्या ऑस्ट्रेलियाचा फलंदाज फिलिप ह्यूजला दोन्ही संघांनी श्रद्धांजली वाहिली. दोन्ही संघांच्या खेळाडूंनी ह्यूजच्या स्मरणार्थ 63 सेकंद मौन बाळगले.