T20 World Cup : IPL न खेळलेले खेळाडूच वर्ल्ड कपमध्ये फोडतायत 'फटाके', दिग्गज मात्र फेल!

यंदाच्या टी-20 वर्ल्ड कपमध्ये सर्वाधिक रन करण्याचा विक्रम इंग्लंडच्या जॉस बटलरच्या (Jos Buttler) नावावर आहे. बटलरने 4 इनिंगमध्ये सर्वाधिक 214 रन केले आहेत. दुसऱ्या क्रमांकावर श्रीलंकेचा निसांका आहे, त्याने आतापर्यंत 170 रन बनवले आहेत. बटलर आणि निसांका हे दोन्ही खेळाडू आयपीएलमध्ये नव्हते. जॉस बटलरने आयपीएलच्या (IPL 2021) दुसऱ्या राऊंडमधून माघार घेतली होती.

सर्वाधिक सिक्स मारणाऱ्या खेळाडूंमध्येही जॉस बटलर पहिल्या क्रमांकावर आहे. बटलरने आतापर्यंत 12 सिक्स मारल्या आहेत. या यादीत दुसऱ्या क्रमांकावर डेव्हीड वीज आहे. वीजने आतापर्यंत 8 सिक्स मारले आहेत. डेव्हीड वीजलाही आयपीएलमध्ये कोणत्याच टीमने विकत घेतलं नव्हतं.

या वर्ल्ड कपमध्ये एकमात्र शतक इंग्लंडच्या जॉस बटलरच्या नावावरच आहे. बटलरने श्रीलंकेविरुद्ध 101 रनची खेळी केली होती, यात 6 सिक्स आणि 6 फोरचा समावेश होता.

या टी-20 वर्ल्ड कपमध्ये सर्वाधिक विकेट श्रीलंकेच्या वानिंदु हसरंगाने (Wanindu Hasaranga) घेतल्या आहेत. हसरंगाच्या नावावर या स्पर्धेत 14 विकेट आहेत. दुसऱ्या क्रमांकावर बांगलादेशचा शाकिब अल हसन आहे. शाकिबने स्पर्धेत 11 विकेट घेतल्या. वानिंदु हसरंगा आयपीएलमध्ये आरसीबीच्या टीममध्ये होता, पण त्याला विराटने फक्त दोनच मॅच खेळण्याची संधी दिली.

सर्वाधिक डॉट बॉल्स टाकण्याचं रेकॉर्डही हसरंगाच्या नावावर आहे. हसरंगाने 70 डॉट बॉल्स टाकले. दुसऱ्या क्रमांकावर श्रीलंकेचा लाहिरु कुमारा आहे. कुमाराने वर्ल्ड कपमध्ये 66 डॉट बॉल्स टाकले.

या टी-20 वर्ल्ड कपमध्ये 100 टक्के विजयाचं रेकॉर्ड पाकिस्तान आणि इंग्लंडच्या नावावर आहे. इंग्लंडने त्यांच्या 4 पैकी 4 तर पाकिस्तानने 3 पैकी 3 मॅच जिंकल्या. पाकिस्तानचा कोणताही खेळाडू आयपीएल खेळलेला नाही.