हरभजनसह 'या' क्रिकेटपटूंनी खेळली राजकीय इनिंग, कुणी पास तर काही फेल!

टीम इंडियाचा माजी क्रिकेटपटू नवजोत सिंग सिद्धू (Navjot Singh Sidhu) यांनी निवृत्तीनंतर राजकीय पिचवर पदार्पण केले. त्यांची ही कारकिर्द यशस्वी ठरली. सिद्धू 2004 साली पहिल्यांदा भाजपाचे खासदार झाले. ते दोन वेळा भाजपा खासदार होते. त्यांनी 2017 साली काँग्रेसमध्ये प्रवेश केला. तेव्हा ते काँग्रेसमधूनही निवडून आले. नुकत्याच झालेल्या पंजाब विधानसभा निवडणुकीत त्यांचा पराभव झाला आहे. (Photo- Instagram)

टीम इंडियाचा माजी ओपनर गौतम गंभीरने 2019 मधील लोकसभा निवडणुकीपूर्वी भाजपामध्ये प्रवेश केला. गंभीर सध्या पूर्व दिल्लीचा खासदार आहे. (Photo - Instagram)

भारतीय क्रिकेटपटू मनोज तिवारी सध्या बंगालचा क्रीडामंत्री आहे. त्याने 2021 साली तृणमुल काँग्रेसमध्ये प्रवेश केला. तो बंगालमधील सिबपर मतदारसंघाचा आमदार आहे. (Photo- Instagram)

टीम इंडियाचा माजी कॅप्टन मोहम्मद अझहरूद्दीननं (Mohammad Azharuddin) 2009 साली राजकीय इनिंग सुरू केली. अझरनं तेव्हा काँग्रेसमध्ये प्रवेश केला होता. अझर मुरादाबादचा खासदार होता. (Photo- Instagram)

टीम इंडियाचा माजी क्रिकेटपटू किर्ती आझाद (Kirti Azad) यांनी निवृत्तीनंतर भाजपामध्ये प्रवेश केला. ते गोल मार्केट विधानसभा मतदारसंघातून विजयी झाले होते. आझाद यांनी 2014 साली बिहारमधील दरभंगामधून लोकसभा निवडणूक जिंकली होती. (Photo- Instagram)

टीम इंडियाचे माजी क्रिकेटपटू चेतन चौहान (Chetan Chauhan) 1991 साली पहिल्यांदा भाजपाचे खासदार झाले. त्यांना 1999 आणि 2004 साली पराभव सहन करावा लागला. 2017 साली ते उत्तर प्रदेश विधानसभा निवडणुकीत विजयी झाले. 2018 साली ते उत्तर प्रदेशचे क्रीडा मंत्री झाले. 2020 साली या दिग्गज क्रिकेटपटूचं निधन झालं. (Photo-Instagram)