मुंबई, 12 सप्टेंबर: आयपीएल स्पर्धा सुरू होण्यापूर्वी राजस्थान रॉयल्ससाठी (RR) आनंदाची बातमी आहे. त्यांचा बॅट्समन एविन लूईसनं (Evin Lewis) कॅरेबियन प्रीमियर लीगमध्ये (CPL) शतक झळकावलं आहे. हे त्याचं टी20 क्रिकेटमधील पाचवं शतक आहे. त्यानं हे शतक झळकावून टीमला सेमी फायनलमध्ये पोहचवलं आहे. (Evin Lewis Instagram)
सेंट किट्सनं 160 रनचा पाठलाग 32 बॉल आणि 8 विकेट्स राखून आरामात पूर्ण केला. लुईसनं 52 बॉलमध्ये नाबाद 102 रनची खेळी केली. यामध्ये त्यानं 5 फोर आणि 11 सिक्स लगावले. त्याचबरोबर ख्रिस गेलनं (Chris Gayle) 18 बॉलमध्ये 35 रनची आक्रमक खेळी केली. गेलनं या खेळीत 6 फोर आणि 1 सिक्स लगावला. (Evin Lewis Instagram)
लुईसचा टी20 क्रिकेटमधील रेकॉर्ड जबरदस्त आहे. त्यानं 45 आंतरराष्ट्रीय टी20 सामन्यात 32 च्या सरासरीनं 1318 रन केले आहेत. यामध्ये त्याचा स्ट्राईक रेट 158 आहे. त्यानं टी20 क्रिकेटमधील आजवरच्या कारकिर्दीमध्ये 180 मॅचमध्ये 31 च्या सरासरीनं 5179 रन काढले आहेत. यामध्ये त्यानं 5 शतक आणि 35 अर्धशतक झळकावले असून त्याचा स्ट्राईक रेट 145 आहे. (Evin Lewis Instagram)
