या 5 दिग्गज खेळाडूंच्या करिअरवर Coronavirus चे संकट, घ्यावी लागणार निवृत्ती!

कोरोनाव्हायरसमुळे साऱ्या जगाला संकटात टाकले आहे. यामुळं जगातली तब्बल 180 देशांची अर्थव्यवस्था कोलमडली आहे. तर क्रिकेट क्षेत्रालाही याचा फटका सहन करावा लागत आहे. कोरोनामुळं क्रिकेटचे सर्व सामने रद्द करण्यात आले आहेत.

कोरोनामुळे आयपीएलचा तेरावा हंगाम पुढे ढकलण्यात आला आहे. मात्र ही स्पर्धा रद्द केली तर खेळाडूंचे, बीसीसीआयचे आणि संघांचे नुकसान होईल. पण या 5 खेळाडूंचे मात्र करिअरचं संपेल.

गेल्या वर्षीच्या झालेल्या वर्ल्ड कप स्पर्धेपासून एमएस धोनी क्रिकेटपासून दूर आहे. त्याच्याकडे भारतीय संघात पुनरागमन करण्याची एकच संधी आहे. धोनीचे भविष्य आयपीएलच्या कामगिरीवर अवलंबून आहे, पण आता त्याच्या परत येण्याची शक्यता खूपच कमी आहे. धोनी चेन्नई सुपर किंग्जचा कर्णधार आहे.

2018मध्ये आंतरराष्ट्रीय क्रिकेट सोडलेल्या दक्षिण आफ्रिकेचा माजी कर्णधार एबी डिव्हिलियर्सला पुन्हा क्रिकेट खेळण्यासाठी इच्छा आहे. यासाठी टी-20 वर्ल्ड कपमध्ये भाग घेण्यासाठी तो उत्सुक आहे. परंतु बर्‍याच काळापासून आंतरराष्ट्रीय क्रिकेटपासून दूर असलेल्या डिव्हिलियर्सला स्वत: ला सिद्ध करण्यासाठी आयपीएल ही एकमेव संधी होती.

मुंबई इंडियन्सचा 36 वर्षीय स्टार आणि अनुभवी गोलंदाज लसिथ मलिंगाने 2010 मध्ये श्रीलंका संघासाठी अखेरची कसोटी सामना खेळला होता. मार्च 2020 मध्ये त्याने शेवटचा टी -20 सामना खेळला. आयपीएलच्या कामगिरीमुळे विश्वचषक संघात त्यांचे स्थान निश्चित होईल. त्याचा फॉर्म पाहून त्याच्यावर सेवानिवृत्तीसाठी दबावही आला आहे.

40 वर्षीय कॅरेबियन फलंदाज ख्रिस गेलची कारकीर्द जवळजवळ संपुष्टात आली आहे, त्याने गेल्या वर्षी जाहीर केले की टी-20 वर्ल्ड कप ही त्याची शेवटची स्पर्धा असेल परंतु त्यानंतर त्याने आपला निर्णय बदलला. मात्र ऑगस्ट 2019 पासून त्याला राष्ट्रीय संघात स्थान मिळालं नाही आहे. यासाठी गेलचे लक्ष आयपीएलकडे होते. मात्र आता आयपीएल रद्द झाल्यास गेलच्या करिअरवर संकट येईल .

रॉयल चॅलेंजर्स बंगळुरूचा वेगवान गोलंदाज डेल स्टेनची कारकीर्द दुखापतींशी झुंज देत आहे. दुखापतीतून सावरल्यानंतर तो लवकरच आंतरराष्ट्रीय क्रिकेटमध्ये परतला परंतु कोरोना व्हायरसमुळे सर्व सामने रद्द करण्यात आले आहेत. त्यामुळं आता स्टेनला आंतरराष्ट्रीय क्रिकेटमध्ये पुनरागमन करण्यासाठी फक्त आयपीएल हा एकमेव पर्याय आहे.