Asia Cup 2023: पाकिस्तानच्या तोंडचा घास पळवला, 'या' देशात होणार आशिया कप?

पाकिस्तानच्या हातातोंडाशी असलेला घास काढून घेतला आहे. आशिया कपचे मानकरी असलेल्या पाकिस्तानमध्ये ही स्पर्धा होणार नाही. त्यामुळे पाकिस्तानला मोठा धक्का बसला आहे.

आशिया कपसाठी भारताने पाकिस्तानात जाण्यासाठी आधीच नकार दिला होता. तेव्हापासून पाकिस्तानमधील या स्पर्धेच्या भवितव्यावर प्रश्न उपस्थित होत होते. पाकिस्तानने या स्पर्धेचे सामने मायदेशात खेळावेत, तर भारत आपले आशिया चषक सामने यूएईसारख्या तटस्थ ठिकाणी खेळू शकतो.

सूत्रांकडून मिळालेल्या माहितीनुसार ही स्पर्धा श्रीलंकेत खेळवली जाण्याची शक्यता आहे. पुढील महिन्यात होणाऱ्या आशियाई क्रिकेट परिषदेच्या (एसीसी) बैठकीत जागेबाबत अंतिम निर्णय घेतला जाऊ शकतो.

अत्यंत दमट परिस्थितीमुळे खेळाडूंना दुखापत होण्याची शक्यता लक्षात घेता संयुक्त अरब अमिराती (UAE) मध्ये सप्टेंबर महिन्यात सहा देशांच्या स्पर्धेचे यजमानपदासाठी श्रीलंका आघाडीवर आहे.

ACC अध्यक्ष जय शहा यांना मात्र निर्णय अधिकृत करण्यासाठी कार्यकारी समितीची बैठक बोलावावी लागेल. या परिस्थितीत पाकिस्तान आशिया चषकात सहभागी होणार की नाही हे पाहावे लागेल

पाकिस्तानने भारताबाहेर सामने खेळवण्यास आयसीसीही सहमती देईल की नाही याबाबतही प्रश्न आहे. त्यामुळे आता काय निर्णय होणार याकडे सगळ्या देशांचं लक्ष लागलं आहे.