आज वैशाख कृष्ण प्रतिपदा, चंद्र तूळ राशीत भ्रमण करेल; सर्व 12 राशींचे राशीभविष्य

मेष - अचानक आयुष्यात होणाऱ्या घटना विचलित करतील. आज चंद्र-केतू योगामुळे मन भ्रमित आणि निराश राहील. . प्रकृती जपा. घरामध्ये जास्तीचे काम पडेल. कुटंब आणि आर्थिकदृष्ट्या मध्यम दिवस.

वृषभ- आज दिवस काळजी घेण्याचा आहे, हे लक्षात ठेवा. दशमात शनि आहे. क्लेशदायक प्रसंग येतील. कार्यालयीन कामानिमित्त प्रवास, नातेवाईक भेट संभवते. आर्थिकदृष्ट्या दिवस मध्यम.

मिथुन - काहीसा निराश स्वभाव झाला असला तरी चंद्र आर्थिक पाठबळ देईल..आशादायक वातावरण आहे. राशीतील मंगळ लहान सहान दुखणी देईल. कोणालाही उधार देणे टाळा. वाद कलह टाळा. व्यवसाय आणि आर्थिकदृष्ट्या बरा दिवस.

कर्क - दशमात गुरू राहू योग आहे. राशी स्वामी चंद्र केतू सोबत ग्रहण योग करीत आहे. संततिविषयी ताण अनुभव कराल. वैवाहिक जीवन कष्टदायक आहे. गुरूचे पाठबळ व रवि चांगले फळ देईल. प्रकृती जपून काम करा..दिवस मध्यम.

सिंह - राशीच्या तृतीय स्थानातील चंद्र मन आनंदी आणि उत्साही ठेवेल. भाग्य गुरू म्हणजे ज्ञान आणि संपत्तीमध्ये वाढ होईल. प्रवासाचे योग, बंधू भेट संभवते. दिवस उत्तम.

कन्या - सामाजिक आणि गृह क्षेत्रात नवीन संधी मिळतील. संतती सुख मिळेल. चंद्र माहेरचे नातेवाईक भेट घडवून आणेल. तसेच आर्थिक लाभ होतील. प्रवास योग येतील. कुटुंबीयांचे आरोग्याचे प्रश्न कमी होतील.

तूळ - शुक्र भाग्यात नोकरीमध्ये संधी देईल. खर्च भरपूर होईल. सुखसोयींमध्ये वाढ होईल. सामाजिक क्षेत्रात नवीन संधी मिळतील. जबाबदारी येईल, संतती कडे लक्ष द्या. प्रवासात जपून रहा. दिवस मध्यम.

वृश्चिक - अष्टम मंगळ वृश्चिक व्यक्ती ना दवाखान्याची भेट घडवेल. मुख रोगापासून जपण्याचे संकेत देत आहे. प्रयत्न पूर्वक जागरूक रहा. वैवाहिक जीवनात वादळ येऊ शकते. चंद्र व्ययात आहे. गृह सौख्य, आर्थिक, धर्म कारण यासाठी उत्तम फळ देईल .

धनू - संत भेट कुठल्याही बिकट परिस्थितीतून मार्ग दाखवते याचा प्रत्यय येईल. पंचम गुरू व लाभ चंद्र दिवसभर घरात जास्तीचे काम देईल. जवळपासचे प्रवास योग येतील. प्रकृती ठीक राहील. दिवस मध्यम.

मकर - दशम स्थानातील चंद्र आणि षष्ठ मंगळ यांच्या उपस्थितीमुळे व्यवसाय वृद्धी योग बनत आहे. वैवाहिक जीवन सुखद राहील. कला प्रकारात रुची निर्माण करेल. प्रवास योग येतील .संतती आणि जोडीदारासोबत आनंदाने दिवस घालवाल.

कुंभ - शनी राशीमध्ये भ्रमण करीत आहे. कुंभ व्यक्ती आज निराश असतील. आज चंद्र शत्रू निर्माण करेल. प्रकृती जपा. नातेवाईक भेट होईल. मुलांचे प्रश्न त्रासदायक होतील. संतती , व्यवसाय नोकरीसाठी मध्यम दिवस.

मीन - मनस्थिती द्विधा राहील. गुरूच्या धन स्थानातील उपस्थितीमुळे आर्थिक लाभ आणि कौटुंबिक जीवनात अनेक गोष्टींमुळे प्रसिद्धी असा हा काळ आहे. कार्यालयीन जीवनात सुधारणा होईल. अध्यात्मिक अनुभव येतील. दिवस मध्यम.. शुभ भवतू!!