या मंदिरातला नंदीचा आकार वाढतोय आणि शिवलिंगाखालूनही येतंय पाणी? काय आहे प्रकार PHOTOS

भारतामध्ये देवी देवतांची अनेक मंदिरे आहेत. यामध्ये विज्ञानाला आव्हान देणारी काही मंदिरे आहेत. यापैकी एक म्हणजे आंध्र प्रदेशातील कुर्नूल येथे असलेले यगंती मंदिर आहे. अर्धनारीश्‍वर भगवानाचे हे मंदिर श्री यागंती उमा माहेश्वरी मंदिर या नावानेही ओळखले जाते, हे मंदिर त्याच्या रहस्यांमुळे चर्चेत असते. इथल्या नंदीचा आकार असो किंवा गोपुरात बांधलेल्या पाण्याच्या टाकीचा काठ असो, या मंदिराशी निगडित रहस्ये आजही विज्ञानाला आव्हान देत आहेत.

या मंदिरात बसवलेल्या दगडी नंदीच्या मूर्तीचा आकार सातत्याने वाढत असल्याचा दावा केला जातो. दगडात जीव असू शकतो का? दरवर्षी या नंदीचा आकार वाढत जातो. पूर्वी तो लहान आकाराचा होता पण आता तो जवळपास मंदिराच्या प्रांगणाएवढा झाला आहे, असं स्थानिक लोकांचे म्हणणे आहे.

अनेक विचारवंत आणि शास्त्रज्ञांनी येथे संशोधन केले आहे पण ते अजूनही एक रहस्य आहे. या दगडात वाढण्याची क्षमता आहे, म्हणून तो दर 20 वर्षांनी 1 इंच वेगाने वाढत आहे. विज्ञानाचा विचार केला तर भाविक याला माहेश्वरीचा चमत्कार मानतात असं शास्त्रज्ञांनी सांगितले आहे.

केवळ नंदीच नाही तर यागंती मंदिराचे कुंडेही एक रहस्य आहे. राज गोपूरच्या मध्यभागी बांधलेल्या कुंडात मुख्य मंदिराच्या बाजूने पाणी वाहत असते. शिवलिंगाखालून सतत पाणी येत आहे, हे एक गूढच आहे. गोपुरमच्या दोन छिद्रातून पाण्याचा स्त्रोत काय आहे हे अद्याप समजू शकलेले नाही. मंदिराबाहेरील 16 एकर जागेनंतर या पाण्याने सिंचन होऊ शकत नाही हेही येथील मोठे गूढ आहे.

या मंदिरात कोणी येत नाहीत. अगस्त्य ऋषींच्या शापामुळे असे घडल्याचे स्थानिकांचे मत आहे. येथे वेंकटेश्वर गुहेतून सापडलेल्या मूर्तीबद्दल लोकांचा दावा आहे की ती तिरुपतीमध्ये स्थापित केलेल्या मूर्तीपेक्षा जुनी आहे. इतकेच नाही तर भारताचा नॉस्ट्राडेमस म्हणून ओळखल्या जाणाऱ्या वीर ब्रह्म यांनी काल गण ग्रंथाचे काही अध्याय येथे लिहिले, असेही सांगितले जाते.