शनि जयंतीच्या दिवशी तुमच्या राशीनुसार या गोष्टी करा; संकटे टळतील, आनंदी जीवन जगाल

शनि जयंती 2023 राशीनुसार उपाय - मेष: या राशीच्या लोकांनी शनि जयंतीच्या दिवशी मोहरीचे तेल किंवा काळे तीळ दान करावे. तुमची इच्छा असल्यास हनुमानाची पूजा केल्यानंतर हनुमान चालिसाचे दान करा. शनिदेव तुमच्यावर प्रसन्न होतील.

वृषभ : शनि जयंतीला गरीब आणि गरजू लोकांना काळे ब्लँकेट दान करा. पूजेच्या वेळी शनि चालीसा वाचा. असे केल्याने तुम्हाला शनिदेवाची कृपा मिळेल, संकटांपासून मुक्ती मिळेल.

मिथुन : शनि जयंतीच्या दिवशी ज्येष्ठांना वंदन करून काही भेटवस्तू द्या. याशिवाय शनि मंदिरात जाऊन काळे वस्त्र, उडीद इत्यादी दान करा. शनीच्या त्रासापासून आराम मिळेल.

कर्क: तुमच्या राशीच्या लोकांनी शनि जयंतीला काळे तीळ, उडीद, मोहरीचे तेल, कपडे इत्यादी गरिबांना दान करावे. पूजेच्या वेळी शनिस्तोत्राचे पठण करावे. साडेसातीच्या दु:खापासून मुक्ती मिळेल.

सिंह : शनि जयंतीला हनुमानाची पूजा करा. त्यानंतर शनिदेवाचे दर्शन घेतल्यानंतर लोखंड, काळे तीळ, छत्री, पाणी दान करा. तुमची प्रगती होईल.

कन्या : शनि मंदिरात जाऊन पूजा करावी. त्यानंतर एका भांड्यात तेल घ्या आणि त्यात आपली सावली पाहून दान करा. छाया दान केल्यानं शनिदोष दूर होईल. शनि मंत्राचा जप करणं देखील फायदेशीर ठरेल.

तूळ : शनि जयंतीच्या दिवशी मंदिरात जाऊन शनिदेवाची पूजा करावी. त्यानंतर काळे किंवा निळे वस्त्र, तीळ, घोंगडी इत्यादी गरिबांना दान करा. त्यामुळे करिअरमध्ये प्रगती होईल.

वृश्चिक : शनि जयंतीला हनुमानाची पूजा करा कारण तुमचा अधिपती ग्रह मंगळ आहे. पूजेनंतर काळ्या कुत्र्याची सेवा करा. त्याला खायला घाला.

धनु: तुमच्या राशीच्या लोकांनी शनि जयंतीच्या दिवशी पिंपळाच्या झाडाची पूजा करावी आणि तेथे मोहरीच्या तेलाचा दिवा लावावा. हळद, मोहरीचे तेल, पिवळे वस्त्र दान करावे.

मकर आणि कुंभ: तुमच्या राशीचा स्वामी शनि आहे. शनि जयंतीला शनिदेवाची विधिवत पूजा करावी. यानंतर तीळ, लोखंड, काळे कापड, काळे घोंगडे, छत्री, चप्पल यापैकी आवडत्या वस्तू दान करा. शनीच्या कृपेने सर्व काही ठीक होईल.

मीन: तुमच्या राशीचा स्वामी गुरू आहे. यासाठी शनि जयंतीला पिवळे वस्त्र, हळद, कुंकू, विष्णू चालीसा दान करा. पूजेदरम्यान शनि चालिसाचे पठण फायदेशीर ठरेल.