Numerlogy: समजून घेण्यापेक्षा एकमेकांच्या चुका काढत राहतात; या जन्मतारखांची जोडी नाही जमत

क्रमांक 6: एक आणि सहा अंकाचा प्रभाव असलेल्या व्यक्तींमध्ये खरं व मजबूत रिलेशनशीप किंवा मैत्री टिकवून राहण्याची शक्यता फारच कमी आहे.

सहा हा अंक शुक्राचा असतो. त्याला स्वतःचा प्रकाश आणि तेज नसतं. त्यामुळे तो प्रकाशासाठी सूर्य किंवा इतरांवर अवलंबून असतो. एक हा अंक सूर्याचा मानला जातो. सूर्य हा स्वयंप्रकाशित आहे. तो पूर्णपणे आत्मकेंद्रित आणि अहंकारी आहे. त्यामुळे एक आणि सहा क्रमांकाचा प्रभाव असलेल्या दोन व्यक्तींमध्ये नेहमीच संघर्ष दिसून येतो.

एक आणि सहा या दोन क्रमांकांमधील वैवाहिक नातेसंबंधात अहंकाराच्या समस्या आणि सतत वादाचा सामना करावा लागतो. या दोन्ही अंकांचा प्रभाव असलेल्या व्यक्तींमधील व्यावसायिक सौदेदेखील आव्हानात्मक ठरतात. कारण, दोघेही फक्त एकमेकांच्या निर्णयाला दडपण्याचा प्रयत्न करत असतात.

म्हणून अंकशास्त्रामध्ये अशी शिफारस केली जाते की, ज्यांचा जन्मांक एक आहे आणि त्यांच्यावर सूर्या प्रभाव आहे त्यांनी सहा बेरीज होईल असा मोबाईल क्रमांक घेणं टाळावं.

क्रमांक 7: सात या अंकावर केतूचा प्रभाव असतो. त्यामुळे, सूर्याचा प्रभाव असलेल्या एक या अंकाच्या बाबतीत विचार करता, एकतर ते एकमेकांचे चांगले मित्र असू शकतात किंवा कट्टर शत्रू होऊ शकतात.

कुंडलीतील त्यांची स्थिती बघून हे संबंध ठरतात. क्रमांक एक आणि सातचा प्रभाव असलेल्या व्यक्तींमधील नातेसंबंध समजणं फार कठीण आहे. कारण, ते नेहमीच सुप्त असतात. दोन्ही क्रमांकाच्या व्यक्ती परस्पर डील्स करताना सावध आणि हातचं राखून वागताना दिसतात. पण, दोघांकडे विश्लेषणात्मक कौशल्ये, संशोधन क्षमता, परिपूर्णता, नेतृत्व, तंत्रज्ञानाची आवड आणि आत्मनिरीक्षण यांसारखी काही उत्कृष्ट वैशिष्ट्ये असतात.

दोघांमधील हे सर्व गुण मिळून एक मजबूत व्यवसाय किंवा राजकीय कारकीर्द तयार होऊ शकते. एक जन्मांक असलेल्या व्यक्ती क्रमांक सातबरोबर चांगली भागीदारी करू शकतात. पण, वैयक्तिक जीवनात ही भागीदारी निभावणं कठीण आहे. कारण, दोघेही नातेसंबंधात पारदर्शकता ठेवण्यास अयशस्वी ठरतात. म्हणून, अशा विवाहित जोडप्यांनी परस्परांना समजून घेण्याचा आणि परस्पर विश्वास निर्माण करण्याचा अधिक प्रयत्न करणं गरजेचं आहे.