religion
शनी-सूर्य कुंभमध्ये! 30 वर्षांनी महाशिवरात्रीला असा दुग्धशर्करा योग; या 3 राशी राहणार जोमात
भोलेनाथ आणि देवी पार्वतीचा विवाह सोहळा म्हणजेच महाशिवरात्री माघ महिन्यातील कृष्ण पक्ष चतुर्दशी तिथीला साजरी केली जाते. या दिवशी देशभरात महाशिवरात्री उत्सव साजरा होतो. यंदा महाशिवरात्री 18 फेब्रुवारी 2023 रोजी आहे. असे मानले जाते की जो कोणी या दिवशी पूर्ण भक्तीभावाने शिवशंभूची पूजा करतो त्याला उत्तम जीवनसाथी मिळतो तसेच धन, संतती आणि आरोग्याशी संबंधित सर्व समस्या दूर होतात.
- News18 Lokmat
- Last Updated : |
- Mumbai, India
महाशिवरात्रीला 30 वर्षांनी दुर्मिळ योगायोग ज्योतिष तज्ज्ञांच्या मते, महाशिवरात्रीला 30 वर्षांनंतर शनि आणि पिता सूर्य दोघेही कुंभ राशीत एकत्र असतील. शनि आणि सूर्य यांच्या संयोगामुळे अनेक राशींवर त्याचा प्रभाव दिसून येईल. दुसरीकडे, शारीरिक सुख आणि सौंदर्याचा कारक शुक्र, मीन राशीत विराजमान राहील. असे मानले जाते की कैलास निवासी भगवान शंकराची पूजा केल्यानं ग्रहांचे त्रास दूर होतात. ज्यांच्या कुंडलीत शनि आणि सूर्य यांच्या संयोगामुळे अशुभ घडण्याची शक्यता आहे, त्यांनी या दिवशी भोलेनाथाचा रुद्राभिषेक करावा, त्यामुळे सर्व दोष दूर होतात, असे मानले जाते.
महाशिवरात्रीचे उपाय - महादेवाचा महिमा अनन्यसाधारण आहे. त्यांची भक्ती करणाऱ्या देवी, देवता, मानव, गंधर्व, दानव, भूत-पिशाच या सर्वांना त्यांचा आशीर्वाद लाभतो. असे म्हणतात की, महाशिवरात्रीच्या दिवशी ज्या शिवलिंगाची पुष्कळ काळापासून पूजा केली गेलेली नाही, अशा कोणत्याही शिवलिंगाला दुधाने अभिषेक करावा. असं केल्यानं पितृदोष, गृहदोष असे सर्व दोष दूर होतात, असे मानले जाते. या दरम्यान शिवाच्या पंचाक्षरी मंत्राचा 108 वेळा जप करा. या दिवशी निशिता काळातील शिवलिंगाची पूजा फार फलदायी ठरते. शिवपूजा निशिता काल मुहूर्त - 12:15 AM - 01:06
