वडील होते पुजारी, कथित चमत्कारांमुळे चर्चेत आलेले धीरेंद्र शास्री आहेत तरी कोण?

बागेश्वर धामचे धीरेंद्र शास्त्री यांचा जन्म 1996 मध्ये छतरपूर जिल्ह्यात झाला. वडील रामकृपाल गर्ग आणि आई सरोज यांना तीन मुले आहेत. धीरेंद्र शास्त्री यांना धाकटा भाऊ राम गर्ग आणि बहीण रीता गर्ग आहे. त्यांचे नाव धीरेंद्र गर्ग आहे. पण, आई त्यांना प्रेमाने धीरू म्हणते. (बागेश्वर धामच्या फेसबुक अकाउंटच्या सौजन्याने)

धीरेंद्र गर्ग यांचे प्राथमिक शिक्षण सरकारी शाळेत झाले. त्यानंतर त्यांनी हायस्कूल आणि उच्च माध्यमिक जवळच्या गावातून पूर्ण केले. धीरेंद्र यांचे बालपण अतिशय गरिबीत गेले. त्यांचे वडील पुजारी म्हणून काम करायचे. पुजाऱ्याचे काम कुटुंबातील काकांना वाटून घेतल्यानंतर धीरेंद्र गर्ग यांचे कुटुंब आर्थिक संकटात सापडले. या काळात त्यांच्या आईने म्हशीचे दूध विकून कुटुंबाचे पालनपोषण केले. (बागेश्वर धामच्या फेसबुक अकाउंटच्या सौजन्याने)

दरम्यान, धीरेंद्र गर्ग मोठे होऊ लागले आणि त्यांनी गावातील लोकांना कथा सांगण्यास सुरुवात केली. हे करत असताना त्यांनी 2009 साली पहिली भागवत कथा त्यांच्या जवळच्या गावात सांगितली. यानंतर 2016 मध्ये त्यांनी गावकऱ्यांच्या मदतीने ज्योतिर्लिंग असलेल्या त्यांच्या गावातील सर्वात जुन्या मंदिरात यज्ञाचे आयोजन केले. या मंदिरात महाराजांची मूर्ती बसवण्यात आल्याने हे ठिकाण बागेश्वर धाम म्हणून ओळखले जाऊ लागले. (बागेश्वर धामच्या फेसबुक अकाउंटच्या सौजन्याने)

श्रीबालाजी महाराजांच्या या मंदिराच्या मागे धीरेंद्र कृष्ण शास्त्री यांचे आजोबा सेतुलाल गर्ग संन्यासी बाबा यांची समाधी आहे. जेव्हा धीरेंद्र शास्त्रींनी येथे कथन सुरू केले तेव्हा लोक या बागेश्वर मंदिराला बागेश्वर धाम म्हणू लागले. आज हजारो लोक येथे दर्शनासाठी येतात. (बागेश्वर धामच्या फेसबुक अकाउंटच्या सौजन्याने)

जगभरातून लोक आपल्या समस्या घेऊन धीरेंद्र शास्त्री यांच्या बागेश्वर धामवर पोहोचतात, असा दावा केला जातो. या दरबारात येणाऱ्या लोकांचे विचार धीरेंद्र शास्त्री एका कागदावर आधीच लिहून ठेवतात, जे ऐकून सगळेच आश्चर्यचकित होतात. (बागेश्वर धामच्या फेसबुक अकाउंटच्या सौजन्याने)

बागेश्वर धामच्या महाराजांची लोकप्रियता एवढी वाढली आहे की, आता ते त्यांच्या वक्तव्यांमुळे चर्चेत राहतात. महाराज त्यांच्या कथा आणि विधानांमध्ये बुंदेली भाषेचा वापर करतात. (बागेश्वर धामच्या फेसबुक अकाउंटच्या सौजन्याने)