पाकिस्तानच्या विमान अपघातात प्रसिद्ध मॉडेलने गमावला जीव; काकांच्या निधनामुळे निघाली होती कराचीला

पाकिस्तानात कराची विमानतळाच्या दिशेनं निघालेल्या विमानाचा भीषण अपघात झाला. विमान कोसळताच त्याला आग लागली. या विमानात जवळपास 100 प्रवासी होते अशी माहिती समोर येत आहे.

विमान दुर्घटनेत किती जणांचा मृत्यू झाला किंवा वाचले याची माहिती मिळालेली नाही. मात्र यामध्ये पाकिस्तानची प्रसिद्ध मॉडेल झारा आबिद हिचा मृत्यू झाला आहे.

लाहोरहून कराचीकडे जाणाऱ्या विमानाची लँडिंगच्या आधी अपघात झाला. झारा आबिदच्या काकांचे निधन झाल्यानं ती लाहोरमधून निघाली होती.

पाकिस्तानी मॉडेल झारा अबिद अपघातग्रस्त विमानामध्ये होती. तिच्या मृत्यूनंतर सोशल मीडियावर तिच्या चाहत्यांनी श्रद्धांजली वाहिली आहे.

फॅशन डिझायनल खादिजाह शाहने ट्विटरवर म्हटलं की, फॅशन जगताने विमान अपघातात झारा आबिदला गमावलं. ती कष्टाळू आणि व्यावसायिक होती. तिच्या आत्म्याला शांती लाभो.

झारा आबिदने शेवटच्या इन्स्टाग्राम पोस्टमध्ये हेलिकॉप्टरमध्ये बसलेला फोटो पोस्ट केला आहे. त्याला कॅप्शन देताना म्हटलं होतं की, "Fly high, it’s good'. तिची ही शेवटची पोस्ट ठरली.

झारा आबिद तिच्या पारंपरिक पोषाखातील मॉडेलिंगसाठी प्रसिद्ध होती.

कराची विमानतळाच्या दिशेने निघालेलं हे विमान लँड होण्यापूर्वी काही क्षण शहराच्या निवासी भागातच कोसळलं त्यामुळे हाहाकार उडाला.

लाहोरहून प्रवाशांना घेऊन निघालेलं पाकिस्तान एअरलाईन्सचं (PIA) विमान कराची विमानतळाच्या जवळच कोसळलं.