HBD: 500 रुपये घेऊन मुंबईत आली होती दिशा पटानी; आज आहे कोट्यवधींची मालकीण

दिशा पटानी ही आज बॉलिवूडमधील एक नामांकित अभिनेत्री म्हणून ओळखली जाते. एका चॉकलेटच्या जाहिरातीतून करिअरची सुरुवात केलेल्या दिशाचे आज लाखो चाहते आहेत.

‘एम.एस.धोनी- द अनटोल्ड स्टोरी’ या चित्रपटातून तिने पदार्पण केलं होतं. अन् अत्यंत कमी वेळात तिनं सिनेसृष्टीत स्वत:ची अशी एक वेगळी ओळख निर्माण केली.

दिशाचा आज वाढदिवस आहे. 29 व्या वाढदिवसाच्या निमित्तानं देशभरातील चाहत्यांनी तिच्यावर शुभेच्छांचा वर्षाव केला आहे.

दिशाला लहानपणापासूनच अभिनयाची प्रचंड आवड होती. परंतु तिच्या कुटुंबीयांना ही आवड फारशी आवड नव्हती. त्यामुळं शिक्षण अर्धवट सोडून ती अभिनेत्री होण्यासाठी मुंबईत आली होती.

मुंबईत आली तेव्हा तिच्याकडे केवळ 500 रुपये होते. या 500 रुपयांत तिला स्वत:चा खर्च भागवायचा होता. कुटुंबीयांची नाराजी पत्करुन आल्यामुळं त्यांच्याकडून तिला कुठलीच आर्थिक मदत मिळत नव्हती.

करिअरच्या सुरुवातीस तिला प्रचंड संघर्ष करावा लागला. एक लहानशी भूमिका मिळवण्यासाठी देखील तिला जागोजागी पायी फिरुन ऑडिशन्स द्यावी लागत होती.

दिशानं काही काळ मॉडलिंग देखील केलं होतं. ती सुंदर होती. त्यामुळं तिला एका चॉकलेटच्या जाहिरातीत काम करण्याची संधी मिळाली. या जाहिरातीमुळं तिचं नशीब एकाएकी बदललं.

या जाहिरातीमुळं तिला लोफर या तेलुगु चित्रपटात काम करण्याची ऑफर मिळाली. अन् या चित्रपटातून तिच्या फिल्मी करिअरची सुरुवात झाली.

लोफर हा चित्रपट फारसा चालला नाही. पण यामुळं दिशासाठी बॉलिवूडचे दरवाजे खुले झाले. तिला ‘एम.एस.धोनी- द अनटोल्ड स्टोरी’ या बिग बजेट बॉलिवूडपटात काम करण्याची संधी मिळाली.

अन् त्यानंतर ती बागी, मलंग, राधे यांसारख्या अनेक बिग बजेट चित्रपटात झळकली. आज ती बॉलिवूडमधील सर्वात ग्लॅमरस अभिनेत्रींपैकी एक म्हणून ओळखली जाते.

अन् त्यानंतर ती बागी, मलंग, राधे यांसारख्या अनेक बिग बजेट चित्रपटात झळकली. आज ती बॉलिवूडमधील सर्वात ग्लॅमरस अभिनेत्रींपैकी एक म्हणून ओळखली जाते.