मिठाई दुकानदारांसाठी आता नवे नियम, 1 ऑक्टोबरपासून लागू होणार देशभरात

मिठाई दुकानात (Sweet Outlets) मिळणाऱ्या पदार्थांची गुणवत्ता, दर्जा सुधारावा, यासाठी केंद्र सरकारनं नवे नियम लागू करण्याचा निर्णय घेतला आहे. विशेष म्हणजे 1 ऑक्टोबर 2020 पासून देशभरात नवे नियम लागू करण्यात येणार आहेत.

बंद डब्यात विक्रीसाठी उपलब्ध मिठाईच्या बॉक्सवर 'मॅन्युफॅक्चरिंग डेट' (Manufacturing date), एक्सपायरी डेट (Expiry date)तसेच उपयोग करण्याचा कालावधीबाबत (Best Before Date) सूचना देणे अनिवार्य आहे. एफएसएसएआय अर्थात भारतीय अन्न सुरक्षा आणि मानक प्राधिकरणाद्वारा (FSSAI-Food Safety and Standards Authority of India)नवे नियम जारी करण्यात आले आहे. बाजारात विकल्या जाणारी सुट्या मिठाईचा उपयोग करण्याचा कालावधी संदर्भातही ग्राहकांना माहिती द्यावी लागेल.

एफएसएसएआयने देशातील सर्व राज्य आणि केंद्र शासित प्रदेशांसाठी नवे नियम जारी केले आहेत. अन्न सुरक्षा आयुक्तांना यासंदर्भात पत्र पाठवण्यात आलं आहे. येत्या 1 ऑक्टोबर 2020 पासून नवे नियम लागू करण्यात येणार आहेत.

देशात कोरोनाचा उद्रेक वाढला आहे. त्याचबरोबर दिवाळी सण जवळ आला आहे. या पार्श्वभूमीवर एफएसएसएआय मिठाई दुकानदारांसाठी नवे नियम जारी केले आहेत.