राजकीय धुळवड! लालू यादव, वाजपेयी ते राहुल गांधी; कुठे सदराफाड तर कुठे रंगाच्या टबमध्ये

बिहारचे माजी मुख्यमंत्री आणि राष्ट्रीय जनता दलाचे प्रमुख लालू यादव हे सध्या प्रकृतीने अस्वस्थ आहेत. एकेकाळी पाटणा येथील त्यांच्या निवासस्थानी खेळली जाणारी होळी खूप प्रसिद्ध होती. त्यांच्या घरी होळीचा सदराफाड कार्यक्रम असायचा. लालू आणि त्यांची पत्नी राबडी स्वतः होळी खेळायचे. ते वरपासून खालपर्यंत रंगांनी न्हाऊन निघत होते. जोरदार होळी खेळल्यानंतर त्यांच्या निवासस्थानी आलेल्या लोकांसाठी चविष्ट पदार्थांची सोय होती.

भारतीय जनता पक्षाचे दिग्गज नेते लालकृष्ण अडवाणी यांच्या निवासस्थानी होळीचा जल्लोष असतो. त्यांच्या घरची होळी खूप प्रसिद्ध आहे. होळीच्या दिवशी अडवाणींच्या निवासस्थानी मीडिया आणि इतर नेत्यांना खास निमंत्रण असायचे. मात्र, ही धामधूम आता ओसरली आहे. पण आताही लोक त्यांच्या निवासस्थानी पोहोचून होळी खेळतात. कोरोनाता याला खंड पडला होता.

भारताचे माजी पंतप्रधान अटलबिहारी वाजपेयी यांची होळीही खूप प्रसिद्ध होती. ते पंतप्रधान असताना होळीच्या दिवशी पंतप्रधानांच्या निवासस्थानी लोक जमायचे. कोणीही त्यांना गुलाल लावू शकत होता. अटल जेव्हा पंतप्रधान झाले नव्हते तेव्हा त्यांच्याबद्दल असे म्हटले जाते की ते उत्कृष्ट शरबत बनवायचे, विशेषतः भांग आणि सुक्या मेव्यापासून. यासोबत ते स्वतः किचनमधून भांग पकोडे तळायचे. अटलजींच्या या होळीचा लोकांनी खूप आनंद लुटला.

भारतीय जनता पक्षाच्या खासदार हेमा मालिनीही होळी खेळतात. होळीसाठी जगभर प्रसिद्ध असलेल्या मथुराच्या त्या खासदार आहेत. होळीच्या वेळी हेमा मालिनी मथुरेत राहून होळीचा आनंद लुटण्याचा प्रयत्न करतात. यावेळीही त्यांनी होळीचा खूप आनंद लुटला. होळीच्या एका कार्यक्रमात ते म्हणाले की, होळीच्या वेळी मथुरेत राहून होळीचा आनंद लुटणे हे भाग्य आहे.

लोक जनशक्ती पक्षाचे दिवंगत नेते रामविलास पासवान यांच्या घरीही होळीचा रंग खूप उजळायचा. लोकांना रंगांच्या टबमध्ये टाकलं जायचं. रामविलास पासवान यांचा मुलगा चिराग पासवानही ही परंपरा उत्साहाने पुढे नेत आहे. टबमधील रंग इतके गडद असतात की ते बरेच दिवस साथ सोडत नाहीत.

केंद्रीय संरक्षण मंत्री राजनाथ सिंह यांच्या दिल्लीतील शासकीय निवासस्थानीही होळी उत्साहात साजरी करण्यात येते. गुलालाची उधळण आणि खाणेपिणे चालू असते. सोबतीला गायन-वादन असते. यानिमित्ताने अनेकजण त्यांच्या निवासस्थानी जाऊन होळीचा आनंद लुटतात.

काँग्रेस नेत्या सोनिया गांधीही होळी खेळण्यात मागे नाहीत. काँग्रेसवाले त्यांच्या निवासस्थानी येतात. होळी साजरी करण्यात खुद्द राहुल गांधीही पुढे असतात. हे फोटो काही वर्षांपूर्वीचे आहे, ज्यात सोनियांचे शासकीय निवासस्थान 7, जनपथ येथे होळी साजरी केली जात आहे.

लाल बहादूर शास्त्री पंतप्रधान म्हणून होळीच्या दिवशी लोकांना भेटायचे. आपल्या कुटुंबासोबत ते आवर्जून होळी खेळायचे, ज्यात त्यांच्या तीन पिढ्या एकत्र येत. (फाइल फोटो)

माजी पंतप्रधान राजीव गांधीही उत्साहाने होळी खेळायचे. पंतप्रधान झाल्यावर ते पंतप्रधानांच्या निवासस्थानी होळीला येणाऱ्यांवर गुलाल उधळत असत. विरोधी पक्षात असताना देखील ते होळीचा आनंद लुटायचे. (राजीव गांधी फाउंडेशनच्या सौजन्याने)