PHOTOS: मुंबईत भलं मोठं झाडं पडलं, थोडक्यात टळली मोठी जीवितहानी नाहीतर...

ठाण्यात भलं मोठं झाड पडल्याने एकच खळबळ उडाली आहे, सुदैवाने रात्रीच्या सुमारास झाड पडल्याने मोठी जीवितहानी टळली आहे.

ठाण्यातील वागळे इस्टेट भागातील विश्राम घर सोसायटी, श्री अयप्पा मंदीर श्रीनगर इथं एक मोठं झाडं उन्मळून पडल्याने मोठं नुकसान झालं आहे.

सुदैवाने झाड मध्यरात्री 3 वाजता पडल्याने कोणतिही जीवित हानी झाली नाही. मात्र, हे मोठे झाड पडल्याने या झाडाखाली आल्याने रस्त्यावर पार्किंगमध्ये उभ्या असलेल्या 12 दुचाकी, 2 चारचाकी आणि 1 टीएमसी लाईट पोलचे नुकसान झाले आहे.

झाडं इतकं मोठं होतं की ते पडल्याने दोन रस्ते काही काळा करता बंद झाले होते. पण मध्यरात्री झाड पडल्याने वाहतूक कोंडी झाली नाही.

घटनेची माहिती मिळताच ठाणे आपत्ती व्यवस्थापन कक्षाचे जवान घटनास्थळी दाखल झाले आणि त्यांनी कटरच्या साह्याने झाड कापून आधी रस्ता मोकळा केला आणि नंतर संपुर्ण झाड कापून नेले.

ठाण्यात सिमेंटचे जंगल वाढल्याने जुन्या वर्षानुवर्षे तग धरुन उभी असलेली मोठी वृक्ष पडण्याची संख्या ठाण्यात वाढू लागली आहे.

यामुळे ठाण्यात येऊर जंगल जवळ असुन ही शहरात मात्र हिरवळ हद्द पार झालीये असं म्हणटलं तरी वावगं ठरणार नाही.