आयर्लंडमध्ये फेसबुकच्या मुख्यालयाने मुंबई पोलिसांना याबाबत सूचना दिली होती. 23 वर्षीय ज्ञानेश्वर पाटील आत्महत्येचा प्रयत्न करणार होता आणि सोबतच फेसबुकवर लाइव्ह स्ट्रिमिंग करीत आहे. ही सूचना मिळताच मिनिटांत पोलिसांची टीम पाटील याच्या घरी पोहोचली आणि त्याला वाचवलं. पाटील याला रुग्णालयात दाखल करण्यात आलं असून त्याची प्रकृती स्थिर आहे.
रविवारी रात्री 8 वाजून 10 मिनिटांनी मुंबई सायबर पोलिसांच्या डीसीपी रश्मी करंदीकर यांना आयर्लंडमधील फेसबुक मुख्यालयातून फोन आला की, एक तरुण आत्महत्या करीत आहे आणि तो फेसबुकवर लाइव्ह स्ट्रिमिंग करीत आहे. फेसबुक मुख्यालयाने यासंदर्भातील स्क्रीनशॉट्स शेअर केले. पाटील रडत होता आणि त्याच्या गळ्यावर वस्तरा होता.