फेस्टिव्ह सीझन सुरू होण्याआधी मिळतेय गाडी खरेदी करण्याची संधी, मिळेल 100 % कर्ज

स्वीडनची लग्झरी कार कंपनी Volvo एक मोठी ऑफर देत आहे. कंपनीने यासाठी एचडीएफसी बँकेशी (HDFC Bank) हातमिळवणी केली आहे. याअंतर्गत तुम्हाला तुमच्या आवडीच्या गाडीसाठी 100 टक्के कर्ज मिळू शकेल.

Vovlo कार्स यावेळी अहमदाबाद, बेंगळुरु, चंडीगड, चेन्नई, कोयंबटूर, दिल्ली एनसीआर (दक्षिण दिल्ली, पश्चिमी दिल्ली, गुरुग्राम आणि नोएडा), हैदराबाद, इंदौर, जयपूर, कोचिन, कोझिकोड, कोलकाता, लखनऊ, लुधियाना, मुंबई, पुणे, रायपूर, सूरत, विशाखापट्टणम आणि विजयवाडा याठिकाणी या 25 डीलरशीपच्या माध्यमातून प्रोडक्ट्सचे मार्केटिंग करतात

Volvo कार इंडियाने दिलेल्या माहितीनुसार, या नवीन सेवेअंतर्गत कारच्या एक्स शोरूम किंमतीइतका फायनान्स देण्यात येईल आणि ग्राहकांना पेमेंटसाठी सोपे पर्याय उपलब्ध करून दिले जातील. काही विशेष परिस्थितीत फोरक्लोजरसाठी कोणतेही शुल्क आकारले जाणार नाही.

यामध्ये 7 वर्षांसाठी कर्ज घेता येईल. याअंतर्गत फायनान्स इन्शूरन्स, एक्सटेंडेड वॉरंटी, सर्व्हिस पॅकेज आणि अॅक्सेसरीजसाठी देखील पर्याय देण्यात येईल. Volvo कार फायनान्शिअर सर्व्हिसमध्ये कर्जाचे अप्रूव्हल वेगाने होईल आणि सर्वांसाठी एक समान प्रोसेसिंग फी असेल.

स्वीडनची लक्झरी कार असणाऱ्या Volvo ने भारतात 2007 मध्ये एंट्री घेतली होती. तेव्हापासूनच या स्वीडिश ब्रँडचा देशात वेगाने प्रसार होत आहे.