गुंतवणूक करण्यासाठी अधिक पैशांची गरज असते, असा अनेकांचा समज असतो. परंतु एका छोट्याशा रकमेतूनही गुंतवणूकीची सुरुवात केली जाऊ शकते, जेणेकरून आर्थिकदृष्ट्या सुरक्षित भविष्यासाठी पाऊल उचललं जाईल. आर्थिक सुरक्षित गुंतवणूकीसाठी पोस्ट ऑफिसच्या अनेक छोट्या स्किम आहेत, ज्याद्वारे चांगले रिटर्न्स मिळू शकतात. अशीच एक स्किम आहे, ज्यात महिन्याला केवळ 100 रुपये दमा करुन मोठ्या गुंतवणूकीची सुरुवात करता येऊ शकते.
पोस्ट ऑफिसचं हे रिकरिंग डिपॉजिट छोट्या-छोट्या हप्त्यांमध्ये व्याज दर आणि सरकारी हमीची योजना आहे. पोस्ट ऑफिस रिकरिंग डिपॉजिट योजना पाच वर्षांसाठी सुरू केली जाऊ शकते. काही बँका सहा महिन्यांपासून ते वर्षभर, दोन वर्ष आणि तीन वर्षांच्या आरडीचा पर्याय देतात. रिकरिंग डिपॉजिटवर व्याज दर तिमाहीवर, प्रत्येक तीन महिन्यांच्या शेवटी अकाउंटमध्ये चक्रवाढ व्याजासह दिलं जातं.
कोणताही व्यक्ती आपल्या नावे कितीही आरडी अकाउंट सुरू करू शकतो. यात एकच अट आहे, ती म्हणजे कोणतीही संस्था किंवा कुटुंबाच्या नावाने हे आरडी खातं सुरू करता येत नाही. दोन वृद्ध व्यक्ती एकत्र जॉइंट आरडी अकाउंट सुरू करू शकतात. आधीच एखाद्या सुरू केलेलं वैयक्तिक आरडी खात्याला ज्वाइंट अकाउंटमध्ये बदलता येऊ शकतं. त्याउलट ज्वाइंट अकाउंटला वैयक्तिक खात्यातही बदलता येऊ शकतं.
