दररोज 130 रुपयांची बचत करुन मुलीच्या लग्नासाठी मिळवा 27 लाख, वाचा काय आहे LIC ची बेस्ट योजना

घरी मुलीच्या जन्म झाल्यानंतर अनेकदा पालकांकडून तिचं लग्न, शिक्षणासाठी लगेचच पैसे साठवण्यास सुरुवात केली जाते. तुम्ही देखील अशाप्रकारे बचतीचा विचार करत असाल तर LIC कडून काही योजना (Investment Policy) देण्यात येत आहेत.

आम्ही तुम्हाला LIC ची अशी एक पॉलिसी सांगणार आहोत, जी मुलीच्या लग्नासाठी खास बनवण्यात आली आहे. LIC च्या या पॉलिसीचं नावही साजेसं आहे- LIC कन्यादान पॉलिसी (LIC Kanyadan Policy).

कमी उत्पन्न असणाऱ्या आईवडिलांसाठी एलआयसी कन्यादान पॉलिसी अत्यंत फायद्याची आहे. यातून तुम्ही मुलीच्या लग्नासाठी एक मोठा फंड उभा करू शकता

या योजनेमध्ये दररोज 130 रुपयांची बचत अर्थात वार्षिक 47,450 रुपयांचा प्रीमियम भरून तुम्ही ही योजना खरेदी करू शकता. यापेक्षी कमी किंवा यापेक्षा जास्त किंमतीचा प्रीमियमही तुम्ही खरेदी करू शकता. 25 वर्षानंतर तुम्हाला 27 लाख रुपये मिळतील.

ही पॉलिसी खरेदी करणाऱ्याचे वय कमीतकमी 30 वर्षे तर मुलीचं वय 1 वर्षं असणं आवश्यक आहे. ही योजना 25 वर्षाची असली तरी, प्रीमियम 22 वर्षांसाठी द्यावा लागेल.

मॅच्युरिटीवर मिळतील 27 लाख- या पॉलिसीचा मिनिमम मॅच्युरिटी पीरिएड 13 वर्षांचा आहे. कोणत्याही कारणामुळे पॉलिसीधारकाचा मृत्यू झाल्यास एलआयसीच्या वतीनं त्या व्यक्तीला अतिरिक्त 5 लाख रुपये द्यावे लागतील. एखाद्या व्यक्तीने 5 लाखांचा विमा घेतला तर त्याला 22 वर्षांसाठी मासिक 1951 रुपये भरावे लागतील. मुदत पूर्ण झाल्यावर एलआयसीकडून पॉलिसी धारकाला 13.37 लाख रुपये मिळतील. त्याचप्रमाणे एखाद्या व्यक्तीनं 10 लाखांचा विमा घेतला तर महिन्याला 3901 रुपये हप्ता भरावा लागेल. 25 वर्षानंतर एलआयसीकडून 26.75 लाख रुपये दिले जातील.

करामध्ये मिळेल सवलत- आयकर कायदा 1961 च्या कलम 80C अंतर्गत गुंतवणूकदार त्यांनी भरलेल्या प्रीमियमवर कर सवलतीचा दावा करु शकतात. 1.50 लाख रुपयांपर्यंत करसवलत मिळेल.

या स्कीममध्ये अर्ज करण्यासाठी तुम्हाला आधार कार्ड, उत्पन्नाचा दाखल, ओळख पत्र, जन्माचा दाखला इ. महत्त्वाच्या दस्तावेजांची आवश्यकता भासेल