ऑनलाइन खरेदीवर मिळेल अतिरिक्त सूट-दरम्यान हे बाँड खरेदी करण्यासाठी ऑनलाइन प्रणालीचा (Buy Gold Online) वापर केल्यास तुम्हाला आणखी सूट देखील मिळणार आहे. सोनेखरेदीसाठी ऑनलाइन अर्ज आणि पेमेंट केल्यास गुंतवणूकदारांना प्रति ग्रॅम 50 रुपयांची सूट देखील मिळेल. सरकारने रिझर्व्ह बँकेसह विचार विनीमय करून ऑनलाइन अप्लाय करणाऱ्यांसाठी आणि डिजिटल पेमेंट करणाऱ्यांसाठी हा निर्णय घेतला आहे. अशाप्रकारे पेमेंट्स केल्यास 4,741 रुपये प्रति ग्रॅमने रक्कम मोजावी लागेल.
सरकारकडून आरबीआयच्या (Reserve Bank of India RBI) माध्यमातून हे सॉव्हरेन गोल्ड बाँड जारी केले जातात. त्यामुळे यात सॉव्हरेन गॅरंटी असते. हे बाँड खरेदी करताना ग्राहकांना केवायसी प्रक्रिया पूर्ण करावी लागेल, ज्याप्रमाणे मार्केटमध्ये सोने खरेदी करताना प्रक्रिया करावी लागते. 2015 मध्ये सरकारने सॉव्हरेन गोल्ड बाँड ही योजना सुरू केली होती.
कोणतीही व्यक्ती, हिंदू अविभाजित परिवार (HUF), ट्रस्ट, विद्यापीठ आणि धर्मसंस्था बाँडच्या सदस्यत्वासाठी अर्ज करण्यासाठी पात्र आहेत. तुम्ही सर्व कमर्शिअल बँका (आरआरबी, लघू वित्त बँक व्यतिरिक्त), स्टॉक होल्डिंग कॉर्पोरेशन ऑफ इंडिया लिमिटेड, निवडण्यात आलेले पोस्ट आणि एनएसई तसच बीएसईच्या माध्यमातून याची खरेदी करू शकता.
जास्तीत जास्त खरेदीची काय आहे मर्यादा?- या स्कीममध्ये एका आर्थिक वर्षात एखादी व्यक्ती जास्तीत जास्त 4 किलो तर कमीत कमी 1 ग्रॅम गोल्ड बाँडची खरेदी करू शकते. शिवाय ट्रस्ट किंवा यासारख्या संस्था जास्तीत जास्त 20 किलो बाँडची खरेदी करू शकतात. याकरता जारी होणारे अर्ज 1 ग्रम किंवा त्याच्या पटीमध्ये असतात.