नवी दिल्ली, 06 जुलै: करोडपती होण्याचं (How to be a crorepati) तुमचं देखील स्वप्न असेल तर ही बातमी तुमच्यासाठी महत्त्वाची आहे. एक सरकारी कंपनी तुम्हाला ही संधी देते आहे. देशभरात वाढणाऱ्या पेट्रोल-डिझेलच्या किंमती (Petrol and Diesel Price) दरम्यान इंडियन ऑइलने (Indian Oil) ग्राहकांसाठी 2 कोटी जिंकण्याची संधी उपलब्ध केली आहे.
कंपनीने ट्वीट करत याबाबत माहिती दिली आहे. कंपनीने 'डिझेल भरो, इनाम जीतो' (Diesel Bharo, Inaam jeeto) अशी ऑफर सुरू केली आहे. या ऑफरमध्ये तुम्हाला कोणत्याही इंडियन ऑइलच्या पेट्रोल पंपावर डिझेल भरायचे आहे. असे केल्यानंतर तुमचे नाव त्या लिस्टमध्ये समाविष्ट होईल ज्यांना दोन कोटी जिंकण्याची संधी मिळेल. 18 वर्षांपेक्षा जास्त वय असणारी कोणतीही व्यक्ती यामध्ये सहभागी होऊ शकते.