गुढीपाडव्याला बायकोला सोनं घेताय सावधान! तुमचीही होऊ शकते फसवणूक

गुढीपाडव्याला सोनं खरेदीला अधिक महत्त्व आहे. हिंदू नववर्ष म्हणून गुढीपाडव्याला महत्त्व आहे. हा दिवस अत्यंत शुभ मानला जातो. यादिवशी घरात सुख शांती समृद्धी नांदावी यासाठी पूजा केली जाते.

गुढीपाडव्याला सोनं खरेदी करणं शुभ मानलं जातं. या दिवशी तुम्ही बायकोला छोटासं सोन्याचं गिफ्ट देणार असाल किंवा तसा प्लॅन असेल तर तुम्ही काही गोष्टी लक्षात ठेवणं आवश्यक आहे.

तुम्ही गुढीपाडव्याला सोनं खरेदी करताना या चुका केल्या तर तुमचं खूप मोठं नुकसान होऊ शकतं. ते टाळण्यासाठी या गोष्टी कटाक्षाने लक्षात ठेवा.

22 कॅरेट आणि 18 कॅरेटच्या दागिन्यांचे दर तुम्ही आधीच चेक करा. याशिवाय मजुरी किती लावली जाते याची माहिती घेणंही आवश्यक आहे.

30 टक्के मेकिंग चार्ज आकारला जातो. मेकिंग चार्जेसचा सर्वाधिक फायदा ज्वेलर्सना होतो. त्यामुळे तुमच्या खिशाला कात्री लागते आणि नुकसान होतं.

नेहमी सोन्याचं पक्क बिल घ्या. त्याची शुद्धता योग्य वजन याचाही उल्लेख त्यामध्ये आहे की नाही ते तपासून घ्या

सर्वात महत्त्वाचं म्हणजे होलमार्किंग असलेले दागिनेच घ्या. होलमार्क बनावट नाही ना याची तपासणी केल्याशिवाय दागिना खरेदी करू नका.