Credit Card Tips : सावधान! तुमचं क्रेडिट कार्ड बंद होणार? लगेच चेक करा

क्रेडिट कार्ड घेण्याचं प्रमाण आता दिवसेंदिवस वाढत आहे. याशिवाय लोनसाठी देखील क्रेडिट कार्ड फायदेशील असतं कारण त्यामुळे सिबिल स्कोअर सुधारला जातो.

क्रेडिट कार्ड चालू ठेवण्यासाठी काही नियम आणि अटी आहेत. हे नियम मोडले तर तुमचे क्रेडिट कार्ड रद्द केले जाऊ शकतं.

डिफॉल्ट लिस्ट किंवा पेमेंट न केल्याने देखील तुमचं क्रेडिट कार्ड रद्द केलं जाऊ शकतं. याशिवाय त्यावर तुम्हाला पेनल्टी देखील आकारली जाऊ शकते.

यामुळे तुमच्या सिबिल स्कोअरवर नकारात्मक परिणाम होतो. ही चूक टाळण्यासाठी, तुम्ही कधीही पेमेंट चुकवू नये याची खात्री करण्यासाठी ऑटो पेमेंट पर्याय निवडा.

तुम्ही क्रेडिट कार्डसाठी अर्ज करता तेव्हा काही नियम आणि शर्तींना तुम्ही मंजूर केलेलं असतं. तुम्ही या अटी व शर्तींचे उल्लंघन केल्यास, तुमचे कार्ड रद्द होऊ शकतं.

यात जुगार खेळणे, मनी लाँड्रिंग यांसारख्या बेकायदेशीर किंवा बेकायदेशीर व्यवहारांसाठी क्रेडिट कार्ड वापरण्याचा समावेश आहे. व्यावसायिक व्यवहारांसाठी वैयक्तिक क्रेडिट कार्ड वापरणे किंवा क्रेडिट कार्ड अर्जावर चुकीची माहिती दिल्यानेही कार्ड रद्द होऊ शकतं.

बराच काळ क्रेडिट कार्ड न वापरल्यास देखील तुमचं क्रेडिट कार्ड रद्द होऊ शकतं. त्यामुळे तुम्ही क्रेडिट कार्ड वापरत असाल तर या गोष्टींची काळजी घ्या.