लग्नसराईत सर्वात जास्त मागणी असलेल्या गुलाबाची शेती कशी करायची?

मुंबई: लग्नाचे सिझन सुरू आहेत. अशात तुम्ही गुलाबाच्या फुलांचा व्यवसाय करू शकता. आता गुलाबाच्या फुलांना खूप चांगली मागणी आहे. अगदी प्री वेडिंगपासून ते लग्नातील सजावटीपर्यंत आणि लग्नासाठी वापरण्यात आलेला हार देखील गुलाबाचा असावा असा अट्टाहास काहींचा असतो. डेकोरेशनसाठी गुलाबाचा वापर केला जातो. त्यामुळे तुम्ही गुलाबाचा व्यवसाय करू शकता.

उत्तम प्रतीच्या गुलाबाला आता आंतरराष्ट्रीय स्तरावर देखील मागणी आहे. त्यामुळे तुम्ही ही शेती करून लाखो रुपये कमवू शकता. तुम्हाला गुलाब चांगले पैसे नफा कमवून देतील. फक्त यासाठी किती खर्च येईल हे कोणत्या गुलाबाच्या कलमाची जात तुम्ही लावता त्यावर अवलंबून आहे.

महाराष्ट्र, तमिलनाडू, कर्नाटक आणि पश्चिम बंगालमध्ये गुलाबाची सर्वात जास्त शेती केली जाते. ग्रीनहाउसमध्ये गुलाबाची शेती अधिक चांगल्या पद्धतीने होते.

गुलाबाला मोठे गार्डन, इनडोर आणि आऊटडोअर, मैदानात किंवा ग्रीन हाऊस, पॉली हाऊसमध्ये ही शेती करता येते. गुलाब कलामाच्या जातीवर ते अवलंबून असतं. साधारण १५ अंश सेल्सिअस ते २८ अंश सेल्सिअस दरम्यान गुलाबाची लागवड तांत्रिकदृष्ट्या योग्य मानली जाते.

गुलाबाच्या वनस्पतींच्या विकासाच्या टप्प्यात, त्यांना पाच ते सहा तास सूर्यप्रकाशाची आवश्यकता असते. अति ऊन, अति पाऊस अति थंडी गुलाबाच्या कलमांना त्रास देऊ शकते. त्यामुळे याची नक्की काळजी घ्यावी.

मातीचा पीएच 6 ते 7.5 मध्ये असायला हवा. उच्च सेंद्रिय पदार्थ असलेल्या वालुकामय चिंब जमिनीत गुलाबाच्या वनस्पती चांगल्या प्रकारे वाढत आहेत आणि ऑक्सिजनचे प्रमाणही जास्त आहे.

गुलाबाची कलम किंवा बिया लावण्यासाठी खड्डे किंवा पलंग ६० ते ९० सेंटीमीटर खोल करावेत. त्यानंतर खड्डे खताने भरून त्यांना सिंचन करा. नर्सरीतून जर तुम्ही गुलाबाची कलम घेणार असाल तर लगेच त्याची लागवड करा.

गुलाब लावण्यासाठी संध्याकाळची किंवा दुपारची थोडं ऊन उतरलं की योग्य वेळ मानली जाते. गुलाबाच्या कलमांना वर्षातून एकदा छाटणी करावी. नोव्हेंबर ते जानेवारी हा त्यासाठी उत्तम काळ मानला जातो. शक्यतो यासाठी अति रसायनांचा वापर करणं टाळा, सेंद्रिय खत वापरा, अथवा मातीचा पोत लक्षात घेऊन त्यानुसार खत वापरा

पहिल्याच वर्षात झाडांना गुलाब यायला सुरुवात होते. एकदा छाटणी केल्यानंतर 45 ते 50 दिवसांमध्ये पुन्हा फुलं यायला लागतात. यासाठी तुम्हाला कोल्ड स्टोरेजची व्यवस्था करावी लागेल. साधारण 2 ते 5 डिग्रीमध्ये गुलाबांना स्टोअर केलं तर ती टवटवीत राहतात.