अरे देवा! विमानात बसल्यावर 5G सेवा मिळणार नाही?

दूरसंचार विभागाने कंपन्यांना 5G बाबात महत्त्वाचे निर्देश दिले आहेत. रनवेवर दोन किलोमीटर पर्यंत 5G सेवा देऊ नयेत असे निर्देश दिले आहेत. धावपट्टीच्या ९१० मीटरपर्यंतची सेवा कंपन्या देणार नाहीत. 5 जी सेवा विमानांच्या अल्टिमीटरच्या सिग्नलवर परिणाम होतो. सोप्या शब्दात सांगायचे झाले तर विमानात बसले असाल तर फाईव्ह जी सेवा मिळणार नाही हे यावरून स्पष्ट होतं.

अनेक देशांमध्ये 5 जी सेवा सुरू केल्यानंतर विमानतळावर काही अडचणी आल्या. ही समस्या टाळण्यासाठी फ्रान्ससह काही देशांनी विमानतळाभोवती 'बफर झोन' तयार केला. तिथे 5जी सिग्नलवर निर्बंध घालण्यात आले.

भारतातील अनेक विमानतळ खूप लहान आहेत जिथे सेवा देणे कठीण आहे. दूरसंचार कंपन्यांनी 5 जी सेवा जोरात सुरू करण्याची घोषणा केली आहे. भारती एअरटेलने देशातील पाच विमानतळांवर 5 जी सेवा देण्याची घोषणा केली आहे. 5 जीच्या सिग्नलमुळे विमानाच्या अल्टिमीटरवर परिणाम होतो, असे विमानवाहतूक तज्ज्ञांचे म्हणणे आहे. दूरसंचार विभागाने डीजीसीएला विमानाचे अल्टिमीटर बदलण्याच्या सूचना दिल्या आहेत.

याचा परिणाम कम्युनिकेशन सिस्टिमवर देखील होऊ शकतो. मात्र अजूनही याबाबत स्पष्टता नाही. त्यामुळे या सगळ्या गोष्टींचा अभ्यास सुरू आहे. याबाबत अमेरिकेच्या फेडरल एव्हिएशन एडमिनिस्ट्रेशन यांनी FAA ला इशारा दिला आहे. 5G चा परिणाम विमानं जेव्हा उड्डाण करतात तेव्हा उंचावर पोहोचल्यावर त्याचा परिणाम रिडिंगवरही होऊ शकतो. दुसरं म्हणजे आल्टीमीटर्सला याचा मोठा धोका निर्माण होण्याची शक्यता आहे.

2020 मध्ये, नॉनप्रॉफिट रेडिओ टेक्निकल कमिशन फॉर एरोनॉटिक्सने 5 जी विमानांसाठी धोकादायक बिघाड कसा होऊ शकतो याबाबतचा एक अहवाल देखील समोर आला होता.

युरोपातील 27 देशांमध्ये विमानांच्या उड्डाणात 5 जीमुळे कोणतीही तक्रार आलेली नाही. युरोपियन एव्हिएशन एजन्सीने म्हटले आहे की, ही समस्या फक्त अमेरिकेत आहे. युरोपियन युनियनचे २७ देश अमेरिकेपेक्षा कमी फ्रिक्वेन्सी (३.४-३.८ गिगाहर्ट्झ) असलेले 5 जी नेटवर्क वापरत आहेत.

दक्षिण कोरिया एप्रिल 2019 पासून 5 जी सेवा वापरत आहे. त्यांना अजूनतरी 5 जी मुळे विमान कंपन्यांच्या रेडिओ सिग्नलमध्ये कोणतीही अडचण आलेली नाही. आता भारतात धावपट्टीवर 5G सिग्नल मिळण्याबाबत काय निर्णय होणार याकडे सर्वांचं लक्ष असणार आहे.