निसर्ग चक्रीवादळाचं संकट; सुरक्षेसाठी काय कराल आणि काय नाही

कोरोना विषाणूचा सामना करणाऱ्या महाराष्ट्रावर आता चक्रीवादळाचं नवं संकट आलं आहे. हवामान खात्याच्या म्हणण्यानुसार, बुधवारी वादळ मुंबईजवळ अलिबागच्या किनाऱ्यावर पोहोचण्याची शक्यता आहे. (फोटो – अयाज अहमद, न्यूज 18)

चक्रीवादळाचं निसर्ग हे नाव बांग्लादेशने प्रस्तावित केलं असल्याचंही हवामान खात्याने म्हटलं आहे. यावेळी वारे ताशी सुमारे 100 किलोमीटरपेक्षा अधिक वेगाने वाहू शकतात.

3 जूनला सकाळी हे वादळ अलिबागजवळ किनाऱ्याला धडकेल. मुंबईत त्यामुळे प्रचंड पाऊस होऊ शकतो.(फोटो - एपी)

चक्रीवादळादरम्यान वीज जाण्याची शक्यता आहे. त्यात आपात्कालीन परिस्थिती उद्भवली तर नातेवाईकांकडून मदत मागता येऊ शकते. यासाठी आधीच तुमचे फोन, लॅपटॉप, बॅटरी बॅकअप चार्ज करून ठेवा.(फोटो – अयाज अहमद, न्यूज 18)

चक्रीवादळाबाबत अपडेटेड माहिती जाणून घेण्यासाठी अधिकृत संकेतस्थळावरून बातम्या पाहा. अफवा पसरवू नका.(फोटो – अयाज अहमद, न्यूज 18)

धोकादायक इमारतींपासून सतर्क राहा. तुम्ही अशा इमारतीत राहात असाल तर आधीच सुरक्षित ठिकाणी शिफ्ट व्हा. त्यातून पुढे येणारा धोका टाळता येऊ शकतो.(फोटो - एपी)

चक्रीवादळादरम्यान झाडे उन्मळून पडण्याची शक्यता असते. त्यामुळे एकतर घराबाहेर पडू नका. तुमच्या आजूबाजूच्या परिसरात अशी झाडे असतील तर आधीच ती काढून टाका किंवा पालिकेला याबाबत माहिती द्या.

WhatsApp वर आलेल्या कोणत्याही माहितीवर विश्वास ठेवू नका. चक्रीवादळाबाबत वेळोवेळी सरकारी यंत्रणांकडून माहिती दिली जाईल. त्यामुळे WhatsApp वर आलेल्या माहितीवर विश्वास ठेवून घराबाहेर पडू नका.(फोटो – अयाज अहमद, न्यूज 18)