Olympic Champion चा ब्रेस्टफीडिंग करत शीर्षासन करणारा फोटो VIRAL; ट्रोलर्सला दिलं सणसणीत उत्तर

ब्रेस्टफिडींग करत शिर्षासन करणाऱ्या Olympic Champion चं ट्रोलर्सला सणसणीत उत्तर

ऑस्ट्रेलियन ऑलंपिक चॅम्पियन (Australia Olympic Champion) टोरा ब्राइट (Torah Bright) तिच्या इन्स्टाग्राम पोस्ट (Instagram Post) नंतर चर्चेत आली आहे. तिने शिर्षासन करताना आपल्या मुलाला ब्रेस्टफिडींग (Breastfeeding) करत असल्याचा फोटो पोस्ट केला होता. त्यानंतर हा फोटो व्हायरल झाला आणि तिचं ट्रोलिंग (Trolling) सुरु झालं.

34 वर्षांची टोरा ब्राइट ऑस्ट्रेलियातील (Australia) सर्वात यशस्वी स्नोबोर्डर ऍथलीट्स (Snowboarder Athletes) मानली जाते. ती ऑस्ट्रेलियातील सर्वात यशस्वी विंटर ऑलंपियन आहे. तिने दोन वेळा एक्स गेम्समध्ये गोल्ड मेडल मिळवलं आहे. तर, तीन वेळा यूएस ओपन जिंकली आहे. तीन वेळा वर्ल्ड सुपरपाईप चॅम्पियनशिप आणि दोन वेळा ग्लोबल ओपन चॅम्पियन मिळवली आहे.

टोरा ब्राइटने मदर्स डेला आपल्या मुला बरोबर एक फोटो शेअर केला होता. ज्यानंतर तिला ट्रोलींगचा सामना करायला लागला. तर, काहींनी तिच्या बाजूने उत्तरही द्यायला सुरुवात केली. टोरा ब्राइटने देखील ट्रोलरला सणसणीत उत्तर दिलं आहे.

लोक दिवसभर जी कामं करतात त्याचे फोटो शेअर करणं आवश्यक आहे का? असा प्रश्न एका ट्रोलरने विचारला. तर, दुसऱ्याने आई होणं हा एक सुंदर अनुभव असला तरी आपल्या आयुष्यातला प्रत्येक क्षण मी शेअर करत नाही असं म्हटलं. काहींनी तर एक ऑलिंपियन असूनही तिचं वागणं बेजबाबदार असल्याचं म्हटलं.

काहींनी टोरा ब्राइटच्या बाजूने उत्तर दिली. टोरा ब्राइट ही एक यशस्वी ऑलंपियन, एक पत्नी आणि आई आहे.त्यामुळे ती आपल्या मुलाची काळजी घेऊच शकते. ज्यांना आवडत नसेल त्यांनी तिला अनफॉलं करा असं म्हणतं एका फॉलेअरने तिची बाजू घेतली.

टोरा ब्राइटनेही यावर प्रतिक्रिया दिली. ट्रोलरचे मेसेज पाहून दु:ख झालं. मला कौतुक नको होतं. तर, मला माझं मातृत्व सेलिब्रेट करायचं होतं. प्रत्येकाचा दृष्टीकोन वेगळा असतो. मात्र, मातृत्वाइतकी पवित्र कोणतीही गोष्ट नाही असं तिने म्हटलं.