तयार राहा! नोव्हेंबरमध्येच Oxford ची कोरोना लस मिळण्याची शक्यता

कोरोना लस (corona vaccine) कधी येणार याची प्रतीक्षा असताना ऑक्सफोर्डच्या कोरोना लशीबाबत (oxford corona vaccine) गूड न्यूज मिळते आहे.

ऑक्सफोर्ड युनिव्हर्सिटी (oxford university) आणि अॅस्ट्राझेनका कंपनीने (AstraZeneca) तयार केलेली कोरोना लस तयार नोव्हेंबरमध्येच मिळण्याची शक्यता आहे. या लशीत भारताच्या सीरम इन्स्टिट्युटची (serum institute of india) भागीदारी आहे.

या लशीचं सध्या ट्रायल सुरू आहे आणि त्याचे सकारात्मक परिणाम समोर आले आहेत.  वयस्कर आणि तरुण दोन्ही वयोगटातील व्यक्तींमध्ये या लशीमुळे रोगप्रतिकारक शक्ती मोठ्या प्रमाणात निर्माण झाली.

ही लस घेतलेल्या व्यक्तींमध्ये अँटिबॉडी आणि टी-सेलची निर्मिती झाली आहे. वयस्कर व्यक्तींवर याचा दुष्परिणामही कमी पाहायला मिळाला आहे.

लंडनमधील रुग्णालयांना कोरोना लशीसाठी तयारी सुरू करण्याचे निर्देश देण्यात आले आहेत. द सनच्या बातमीचा हवाला देत रॉयटर्सने हे वृत्त दिलं आहे.

रिपोर्टनुसार लवकरच रुग्णालयांना कोरोना लशीची पहिली बॅच पुरवली जाईल, असं सांगण्यात आलं आहे.