कहर कपल! नोकरी सोडून दोन वर्षं हनीमून करत फिरले; किती लाख उधळले वाचून व्हाल थक्क

लग्नानंतर सगळेच हनिमूनला जातात. पण, एका न्यूलिवेड कपलचा फॅमिली हनिमून हैराण करणार आहे. 2019 मध्ये लग्ननंतर रॉस आणि सारा आपला मुलगा आणि कुत्र्यासह परदेशामध्ये प्रवास केला. या हनिमूनसाठी दोघांनी 13 लाख रुपये खर्च केले.

त्यासाठी रॉस आणि सारा यांनी आपलं राहत घर 81 हजार रुपयांच्या भाड्यावर दिलं. त्यानंतर मुलगा आणि ब्लॅक लाब्राडोरबरोबर एका व्हॅनमध्ये राहायला सुरुवात केली. 2014 मध्ये म्हणजे हनिमून प्लॅनिंगच्या 5 वर्षेआधी त्यांनी व्हॅन खरेदी केली होती. त्यातच बसून त्यांनी युरोप, फ्रान्स, स्वित्झर्लंड, इटली, स्पेन, तुर्की आणि बल्गेरिया सारख्या देशांमध्ये प्रवास केला.

आता ते दोघे इंग्लंडमधल्या आपल्या घरी परतले आहेत आणि त्यांचा मुलगा आता 5 वर्षांचा झाला आहे. पण, घरी परतल्यानंतर या जोडप्याला आपल्या ॲडव्हेंचरस ट्रिपची आठवण येते आहे.

रॉस याआधी मरीन कमांडो होते. ते सांगतात की, मरीन कमांडो असण्यापेक्षा हनिमूनचा प्रत्येक दिवस ॲडव्हेंचरस होता. दरवेळी व्हॅनचा दरवाजा उघडताना ते नवीन ठिकाणी पोहोचलेले असायचे आहे. पुढे काय होणार याची त्यांना माहितीही नसायची.

रॉस सांगतात की, लग्नानंतर ॲडव्हेंचरस ट्रिपवर जाण्याचा त्यांनी आधीच निर्णय घेतला होता. त्यांनी आपल्या कुटुंबाबरोबर क्वालिटी टाईम घालवताना मुलासाठीही होम स्कूलिंग सुरू ठेवलं.

‘एव्हरी डे इज अ सॅटर्डे’ म्हणजेच प्रत्येक दिवस हा शनिवार आहे अशी टॅगलाईन त्यांनी आपल्या हनीमूनला दिली होती. लग्नानंतर रॉसने आपली नोकरी सोडली आणि घर देखील भाड्यावर दिलं.

रॉस यांच्याकडे एक्सट्रा इन्कम असल्यामुळे त्यांनी नोकरी सोडण्याचा निर्णय घेतला. कारण, नोकरी करताना त्यांना अशा प्रकारे मोठा हानीमून प्लॅन करणं शक्य नव्हतं.

रॉस सांगता जेव्हा अशा मोठ्या हनीमूनची कल्पाना मित्रांना दिली तेव्हा, बरेचजण हैराण झाले. सगळे जण मला वेडा ठरवत होते आणि थोड्याच दिवसात परत येतील असा अंदाजही लावत होते. लोकांच्या या बोलण्याने त्यांना थोडा त्रास झाला.

रॉस म्हणतात एडवेंचर ट्रिपमध्ये आमचा प्रत्येक दिवस आनंदाने जगलो. त्यामुळे तेच आमच्या आयुष्यातले सगळ्यात सुंदर क्षण होते. तर साराही सांगतात की रॉस नोकरी सोडताना आणि फॅमिली हनिमून प्लॅनिंग करताना बऱ्याच जणांनी त्यांना चक्क वेडसर ठरवलं होतं.

त्यांची व्हॅन खूपच छोटी होती आणि त्यामध्येच झोपण्यापासून आंघोळ आणि जेवणापर्यंत सगळ्याच गोष्टी कराव्या लागत होत्या. पण, कोरोना काळात याचा सगळ्यात जास्त फायदा झाला. कारण, लॉकडाऊनच्या काळात तसेही सगळेजण घरातच अडकून पडले होते. त्यावेळी रॉस आणि सारा समुद्र किनाऱ्यावर आनंदाने राहत होते.

सारा आणि रॉस अतिशय उत्साही कपल आहेत. 2019 मध्ये लग्नाच्या आधी देखील ते दोघं दोन आठवड्यासाठी एका यॉटवर गेले होते. घर भाड्यावर दिल्यानंतर त्यातून फोन बिल, इन्शुरन्स, व्हेइकल टॅक्स, जेवण, आईस्क्रीम, बियर, वाईन याचा सगळा खर्च येणाऱ्या घर भाड्यामधूनच भागत होता.

दोन वर्षांच्या हनिमूनमध्ये तुर्कस्तान हा देश त्या दोघांनाही आवडला. या ठिकाणचे समुद्रकिनारे अतिशय सुंदर असल्याचं ते सांगतात. तर रॉसला तुर्कीमध्ये डॉल्फिन बरोबर पोहण्याचा आनंद घेणं जास्त आवडलं कारण त्यादिवशी त्याचा वाढदिवस होता.