प्रेग्नेन्सीतही मॉर्निंग होईल गूड; Morning Sickness असा करा दूर

गर्भवती महिलेच्या शरीरात अनेक बदल होतात. एस्ट्रोन आणि प्रोजेस्टेरॉनमध्ये वाढ झाल्याने खूप उलट्या होतात. बर्‍याच महिलांना सकाळी उलट्या होतात आणि घाबरल्यासारखं वाटतं. त्याला मॉर्निंग सिकनेस म्हणतात. शरीरात होत असलेल्या बदलांचा केवळ शारीरिक परिणाम होत नाही तर त्याचा मानसिक परिणामही होतो. यापैकी आणखी एक त्रास म्हणजे चक्कर येणं.

गर्भधारणेच्या काळात होणारी ही एक साधी समस्या आहे मात्र ती खूप त्रासदायकही ठरू शकते. काळजी घेतली गेली तर मोठा अपघात होऊ शकतो आणि गर्भाचंही नुकसान होऊ शकतं.

पहिल्या 3 महिन्यांनंतर बाळ आकाराने वाढू लागतं आणि गर्भाशयाच्या आणि आजूबाजूच्या नसावर दबाव वाढू लागतो. यामुळे बर्‍याच वेळा चक्कर येण्याची तक्रार महिला करतात.

याशिवाय काही वेळा प्रेग्नन्सीतील डायबिटीज, अॅनिमिया आणि शरीरात पाण्याचा अभाव यामुळेही चक्कर येण्याचा त्रास होतो.

चक्कर येत असताना आधी खिडक्या आणि दरवाजे उघडा म्हणजे ताजी हवा येत राहिल. हळूहळू खाली बसून डोकं गुडघ्यांमध्ये ठेवा.

अचानक उठू नका. शक्य असल्यास डाव्या कुशीवर झोपा. यामुळे मेंदूत रक्तप्रवाह सुधारेल आणि बरं वाटेल.

जास्त वेळ उभं राहू नका किंवा बसू नका. थोड्या वेळाने एका जागेवरून उठून चाला म्हणजे शरीरात रक्ताभिसरण व्यवस्थित होईल आणि चक्कर येणार नाही. एकदम उठू नका यामुळे डोकं गरगरतं.

एनर्जी वाढवण्यासाठी लाईट स्नॅक किंवा फळं खा. थोड्या थोड्या वेळाने केळी किंवा हलकं स्नॅक्स खा. यामुळे रक्तातील साखरेची पातळी योग्य राहिल.

चक्कर येत असताना गरम पाण्याने आंघोळ करू नका. त्यामुळे त्रास होऊ शकतो.

कायम सैल कपडे घाला म्हणजे शरीरात रक्तप्रवाह व्यवस्थित राहिल. भरपूर पाणी प्या, ज्यूस,नारळपाणी,लिंबूपाणी घेऊ शकता.