तुम्हीही होऊ शकता Coronavirus चे शिकार, असा करा स्वत:चा बचाव

हात स्वच्छ धुवा - साबण आणि पाण्याने हात स्वच्छ धुवा. साबण नसल्यास हँड सॅनिटायझरचा वापर करा. यामुळे हातावरील व्हायरसचा नाश होतो.

डोळे, नाक, तोंडाला हातांनी स्पर्श करू नका - आपले हात अनेक गोष्टींना स्पर्श करतात, त्यावर व्हायरस असू शकतात. असे हात तुम्ही डोळे, नाक, तोंडासमोर नेलात तर व्हायरस तुमच्या शरीरात जाऊ शकतात.

सुरक्षित अंतर ठेवा - तुम्ही एखाद्या व्यक्तीच्या जवळ असाल, तर त्या व्यक्तीपासून किमान 1 मीटर लांब राहा. जेणेकरून तुम्ही किंवा ती व्यक्ती शिंकल्यानंतर आणि खोकल्यानंतर त्याचे थेंब तुमच्या श्वासातून शरीरात जाणार नाहीत.

शिंकताना, खोकताना नाक, तोंड झाकून घ्या - शिंक आणि खोकला आल्यानंतर तोंडावर रुमाल किंवा टिश्यू ठेवा. टिश्यू वापरल्यानंतर तो तात्काळ फेकून द्या. तुमच्यासमोरही एखादी व्यक्ती खोकत, शिंकत असेल तर तिलाही असं करण्यास सांगा.

सर्दी-खोकला-तापाकडे दुर्लक्ष करू नका - ही लक्षणं सामान्य समजू नका, कारण हीच कोरोनाव्हायरसची लक्षणं आहेत. त्यामुळे तात्काळ डॉक्टरांकडे जा आणि जास्त व्यक्तींच्या संपर्कात येऊ नका, सार्वजनिक ठिकाणी जाण्यास टाळा.

आजारी व्यक्तीपासून दूर राहा - सर्दी-खोकला-ताप असलेल्या व्यक्तीपासून दूर राहा. अशा व्यक्तींच्या संपर्कात राहू नका. शिवाय प्राण्यांपासूनही शक्यतो दूरच राहा.