उठण्यापूर्वी अंथरूणातच करा हे व्यायाम; दिवासाची सुरुवात होईल उत्साही

सकाळी उठल्यानंतर आपण दिवसभराच्या धावपळीत कामाला लागतो. त्यामुळेच आपल्या स्नायूंवर दबाव आणि ताण येतो. याकरता बेडवरून खाली उतरण्याआधीच काही खासं एक्ससाइज केले तर आपले स्नायू हळूहळू सक्रिय होऊन त्यांच्यावरचा ताण कमी होतो.

याबरोबरच रक्ताभिसरण चांगल्या प्रकारे होऊन मेंदूला रक्त पुरवठा सुरळीतपणे व्हायला लागल्यामुळे उत्साही वाटतं. या स्ट्रेचिंग एक्सरसाईजमुळे शारीरिक वेदना आणि तणावातदेखील आराम मिळतो. जाणून घेऊया स्ट्रेचिंग एक्सरसाईज.

फिगर फोर स्ट्रेच-बेड किंवा अंथरुणातच सरळ झोपा. आपला उजवा गुडघा दुमडून त्याची टाच नितंबीला टेकवा. त्यानंतर डावा पाय दुमडून उजव्या गुडघ्यावर ठेवा नंतर उजव्या हातने उजव्या पायाला पडा.

आता वरच्या बाजूने दुसऱ्या हाताने पकडा. दोन्ही हातांनी पाय मागे घेण्याचा प्रयत्न करा. पाय छातीपर्यंत नेण्याचा प्रयत्न करा. 10 वेळा श्वासोच्छवास करा. यामुळे कमरेवरचा ताण कमी होतो.

नी-टू चेस्ट स्ट्रेच-बेडवर झोपलेला असतानाच सरळ पाय ठेवून ताठ होण्याचा प्रयत्न करा. दोन्ही गुडघे एकमेकांना टेकून दुमडून छातीवर आणण्याचा प्रयत्न करा. दोन्ही हातांनी दोन्ही गुडघे दाबून छातीवर ठेवण्याचा प्रयत्न करा. 10 वेळा श्वासोच्छवास करा. नंतर पाय सरळ करा. ही क्रिया सावकाश करायची आहे. यामुळे देखील कमरेवरचा ताण कमी होतो.

बेड टू फ्लोर स्ट्रेच- बेडच्या कोपऱ्यावर बसून पाय जमिनीवर टेकवा. कमरेमध्ये वाकून आपले दोन्ही हात जमिनीवर टेकवा. याच अवस्थेत 5 वेळा श्वासोच्छवास करा. यामुळे मेंदूला ऑक्सिजन पुरवठा चांगला होईल आणि त्यामुळे आपल्याला लगेचच उत्साही वाटायला लागेल.

फुल बॉडी स्ट्रेच- यासाठी पाठीवर सरळ झोपा आणि शांतपणे श्वासोच्छवास करा. दोन्ही हाताची बोटं एकमेकात गुंतवून हात डोक्याच्या दिशेने सरळ करा. हात वरच्या दिशेने खेचण्याचा प्रयत्न करताना पाय देखील ताण्याचा प्रयत्न करा. पाच अंक मोजा आणि पूर्वस्थितीत अशाप्रकारे 3 वेळा एक्सरसाईज करा.

स्पाईन ट्विस्ट-ज्यांच्या पाठीचा कणा कमजोर झालेला आहे. कणा कमकुवत झाल्यामुळे बॉडी पोश्चर देखील बदललं आहे. अशा लोकांसाठी ही एक्ससाईज अतिशय फायद्याची आहे.

यासाठी दोन्ही गुडघे एकमेकांना जोडून उजव्या बाजूला न्या. उजव्या हाताने गुडघे उजव्या बाजुला दाबण्याचा प्रयत्न करा. याच वेळेस मान डाव्या बाजूला वळवण्याचा प्रयत्न करा. 10 वेळा श्वासोच्छवास करा. विरुद्ध बाजूने देखील हीच क्रिया करा.