सिझनल फ्लू, खोकल्यापासून तुमच्या चिमुरड्यांना कसं ठेवाल सुरक्षित? हे 6 सोपे उपाय लक्षात ठेवा

लहान मुलांना वातावरण बदललं की लगेचच खोकला आणि सर्दीचा त्रास व्हायला लागतो. लहान मुलांना मोठ्यांपेक्षा सर्दी खोकल्याचा जास्त त्रास होतो.

काही पालकांना मुलांना खोकल्यासारख्या सर्दीसाठी डॉक्टरकडे नेण्याची इच्छा नसते, त्यामुळेच घरात असलेल्या गोळ्या किंवा औषध मुलांना काही पालक देतात. पण,अशी औषधं देण्यापेक्षा मुलांवर घरगुती उपचार करणं नेहमी चांगलं असतं.

सर्दी-खोकल्यात लहान मुलाला 2 ते 4 चमचे ओव्याचं पाणी पाजा. 1ग्लास पाण्यात 1 मोठा चमचा ओवा घाला. पाणी अर्धे होईपर्यंत उकळवा. लहान मुलांना हे पाणी थोड्याथोड्यावेळाने पाजत रहा. मोठ्यांसाठी हे प्रमाण अर्धा कप करु शकता.

सर्दी-खोकला बरा होण्यासाठी दूधात हळत घालून गरम करा आणि कोमट असताना मुलांना प्यायला द्या. यासाठी ओली हळद वापरल्यास आणखी फायदा होतो किंवा हळद पावडरही वापरता येऊ शकते.

मुलाला दिवसातून कमीतकमी दोनदा काढा देणं आवश्यक आहे. मुल लहान असेल तर 1 ते 2 चमचे काढा द्या. मुल मोठं असेल तर, अर्धा कप काढा देऊ शकता.

बाजारातही चांगल्या प्रतीचे काढे उपलब्ध आहेत. बाजारामधून आणणं शक्य नसेल तर घरीच तुळस,दालचिनी,लवंगा,मिरपूड आणि आल्याचा काढा देखील बनवू शकता.