Photos : नाशिकमध्ये मिळतं तब्बल दीड लाखांचं पान! एकाच ठिकाणी आहेत 600 ऑप्शन

पान खाण्याचा शौक असलेली दर्दी मंडळी नित्यनेमाने एखाद्या दुकानात जाऊन पानाचा आस्वाद घेत असतात.

नाशिकमध्ये 'माऊली फॅमिली पान हाऊस' हे पानाचं दुकान प्रसिद्ध आहे. या दुकानात एक-दोन नव्हे तर तब्बल 600 पेक्षा अधिक प्रकारचे पान बनतात.

नाशिककरचं नाही तर बाहेरून येणारे पर्यटक देखील इथं पान खाण्यासाठी गर्दी करतात.

गणेश डुकरे या तरुणाने शिक्षण पूर्ण झाल्यानंतर हे फॅमिली पान हाऊस सुरू केलं आहे.

गणेशने मसाला पानाचा अभ्यास करून विविध प्रकारचे फ्लेवर तयार केले आहेत.

600 पेक्षा अधिक प्रकारचे पानांचे फ्लेवर गणेशकडे आहेत. अगदी 30 रुपयांपासून तर दीड लाख रुपयांपर्यंत पान त्याच्याकडे मिळते.

चंदन मसाला पान, नवाबी पान, चीज चॉकलेट पान, खसखस स्पेशल पान, राजधानी एक्सप्रेस पान, रजनीकांत पान, महफिल पान, नाईट कविन पान, मुमताज स्पेशल पान हे प्रकार इथं मिळतात.

माऊली फॅमिली पान हाऊसमध्ये तब्बल दीड लाख रुपयांचे पेशवाई गोल्ड पान मिळते. या पानाची सर्वत्र जोरदार चर्चा आहे.

ज्या वस्तू शरीरासाठी गुणकारक आहेत. अशा 18 आयुर्वेदिक वस्तूंपासून हे पान बनवलं जातं.

नाशिक शहरापासून साधारणत: 10 किलोमीटर अंतरावर मखमलाबाद दरी-मातोरी रोडला माऊली फॅमिली पान हाऊस आहे.