छत्तीसगडमध्ये व्हॅलेंटाइन डेच्या (Valentine’s Day) निमित्ताने एक अनोखा विवाहसोहळा पार पडला. दंतेवाडा (Dantewada) पोलिसांनी शरण आलेल्या 15 नक्षलवाद्यांच्या (Naxalite) सामूहिक विवाहसोहळ्याचं आयोजन रविवारी केलं होतं. नक्षलवाद्यांसोबत पोलिसांच्याही चेहऱ्यावर आनंद पाहायला मिळाला. या विवाहसोहळ्यामध्ये पोलीसही वऱ्हाडी म्हणून सहभागी झाले होते. वधू आणि वर अशा दोघांच्याही नातेवाईकांनी त्यांना आशीर्वाद दिले.