'उतरण' फेम 'इच्छा' म्हणजेच अभिनेत्री टिना दत्ता आपल्या बिकिनी लूकमुळे चांगलीच चर्चेत आली आहे. टिना दत्ता सध्या मालदीवमध्ये सुट्टीचा आनंद घेताना दिसत आहे. मालदीव किनाऱ्यावरील हॉट फोटो ती सोशल मीडियावर पोस्ट करत आहे. टिना दत्ता सध्या मालिकांपासून दूर असली तरी सोशल मीडियाच्या माध्यमातून ती नेहमीच चाहत्यांच्या संपर्कात असते. टिना आपली मैत्रीण आणि अभिनेत्री आरती सिंगसोबत मालदीवला गेली आहे. टिना कलर्स वाहिनीवरील 'उतरण' या मालिकेतून घराघरात पोहोचली होती. आजही लोक तिला इच्छा या पात्रानेच ओळखतात. टिना सोशल मीडियावर खूपच सक्रीय असते. ती सतत आपले फोटो आणि व्हिडीओ सोशल मीडियावर पोस्ट करत असते. टिना दत्ताने अवघ्या 5 वर्षांच्या वयात अभिनयाची सुरुवात केली. टिनाचे हे हॉट अंदाजातील फोटो सध्या सोशल मीडियावर वेगाने व्हायरल होतं आहेत.