PHOTOS: प्रग्नेन्सीच्या घोषणेनंतर पहिल्यांदाच दिसली सोनम कपूर, बेबी बम्पही केला फ्लॉन्ट

दिग्गज बॉलिवूड अभिनेता अनिल कपूर यांची लेक आणि प्रसिद्ध अभिनेत्री सोनम कपूर प्रेग्नेंट आहे. अलीकडेच, सोनमने एका इन्स्टाग्राम पोस्टद्वारे तिच्या चाहत्यांना याची माहिती दिली होती. तिने तिच्या इन्स्टा अकाऊंटवर पती आनंद अहुजासोबतचा एक रोमँटिक फोटो शेअर केला होता. तसेच प्रेग्नेंसीचा खुलासा केला होता. ज्यानंतर दोघांनाही सोशल मीडियावर त्यांच्या चाहत्यांसह कलाकारांनी शुभेच्छांचा वर्षाव केला होता.

प्रेग्नेंसीची घोषणा झाल्यानंतर सोनम पहिल्यांदाच पती आनंद अहुजासोबत दिसली आहे.

सोनमचा पती आनंद अहुजाने मुंबईत एक नवीन स्टोअर उघडलं आहे. बुधवारी त्याचा उदघाटन समारंभ झाला. यावेळी सोनम उद्घाटन समारंभात दिसली.

या कार्यक्रमात उपस्थित असलेल्या सोनम कपूर आणि आनंद अहुजाने पापाराझींना पोज दिली.

आता सोनम आणि आनंदचे फोटो सोशल मीडियावर प्रचंड व्हायरल होत आहेत.

आनंद आहुजाच्या नवीन स्टोअरच्या उद्घाटनाच्या वेळी अनिल कपूरही उपस्थित होते.

अनिल कपूर यांनी लेक सोनम आणि जावई आनंद अहुजासोबत पापाराझींना पोज दिल्या.

सोनम कपूरचा भाऊ हर्षवर्धन कपूरही या कार्यक्रमाला उपस्थित होता.