आपल्या पतीपेक्षा जास्त कमावतात 'या' TV अभिनेत्री; एका एपिसोडसाठी घेतात तब्बल इतकी रक्कम

छोट्या पडद्यावर रुबिना दिलैक, रुपाली गांगुली अशा काही अभिनेत्री आहेत ज्या आपल्या अभिनय आणि सौंदर्याच्या जोरावर प्रेक्षकांच्या मनावर राज्य करत आहेत. या अभिनेत्रींचे पतीही आपापल्या क्षेत्रात प्रसिद्ध आहेत. परंतु तरीही या अभिनेत्री आपल्या पत्नींपेक्षा जास्त कमाई करतात.

रुबिना दिलैक: अभिनेत्री रुबिनाप्रमाणेच तिचा पती अभिनव शुक्ला देखील अभिनेता आणि मॉडेल आहे. परंतु रुबिना त्याच्यापेक्षा जास्त लोकप्रिय आहे. प्रेक्षकांनी तिला 'छोटी बहू', 'शक्ती अस्तित्व के एहसास की' सारख्या शोमध्ये पाहिलं आहे. मीडिया रिपोर्ट्सनुसार, ती प्रत्येक एपिसोडसाठी 10 ते 15 लाख रुपये मानधन घेते.

भारती सिंह : भारती कॉमेडी शोमुळे प्रचंड लोकप्रिय झाली आहे. व्यवसायाने लेखक असलेल्या हर्ष लिंबाचियाशी तिने लग्न केलंआहे. अलीकडे तो भारतीसोबत टीव्ही शो होस्ट करत आहे. पण भारती त्याच्यापेक्षा जास्त लोकप्रिय आहे. मीडिया रिपोर्ट्सनुसार, भारती एका एपिसोडसाठी 10 ते 12 लाख रुपये घेते.

रुपाली गांगुली: टीव्ही शो 'अनुपमा' मधून प्रसिद्ध झालेल्या रुपालीने फिल्ममेकर अनिल गांगुलीसोबत लग्न केलं आहे. मीडिया रिपोर्ट्सनुसार, रुपाली गांगुली एका एपिसोडसाठी तब्बल 3 लाख रुपये घेते.

दिव्यांका त्रिपाठी: दिव्यांका आणि पती विवेक दहियाने 'ये है मोहब्बतें' या मालिकेत एकत्र काम केलं आहे. मात्र दिव्यांकाचा मोठा चाहतावर्ग आहे. मीडिया रिपोर्ट्सनुसार, दिव्यांका एका एपिसोडसाठी 1 लाख ते 1.5 लाख रुपये घेते.

दीपिका कक्कर : दीपिकाप्रमाणेच तिचा नवरा शोएबही मनोरंजनसृष्टीशी संबंधित आहे. तो एक अभिनेता आहे. मात्र, दीपिकाची प्रसिद्धी जास्त आहे. मीडिया रिपोर्ट्सनुसार, दीपिका एका एपिसोडसाठी 70 हजार रुपये घेते.

सौम्या टंडन : सौम्या 'भाभी जी घर पर हैं' मधून प्रचंड लोकप्रिय झाली होती. मीडिया रिपोर्ट्सनुसार, ती एका एपिसोडमधून 50 ते 60 हजार रुपये मानधन घेते.