'ती माझी ग्रेट भेट'; रेखा दुधाणेनं 'जीव माझा गुंतला' फेम अंतराला दिलं मोठं सरप्राईज

'तुझ्यात जीव गुंतला' ही मराठी मालिका चांगलीच लोकप्रिय ठरत आहे. या मालिकेने रसिकांचं मन जिंकलं आहे. मालिकेतील अंतराचा स्पष्ट, प्रेम, जबाबदारीची जाणीव असणारा स्वभाव सर्वच चाहत्यांना आवडतो. त्यामुळे मालिकेने कमी वेळेत चांगली प्रसिद्धी मिळवली आहे.

मालिकेत अंतराचा रांगडा कोल्हापुरी स्वभाव दाखवण्यात आला आहे. अंतरा रिक्षा चालवून आपल्या कुटुंबाला हातभार लावत असते, एक महिला रिक्षाचालक म्हणून कोणती आव्हाने येतात. यामध्ये किती हिम्मत आई धाडस लागतं. तसेच कोणकोणत्या प्रसंगांतून जात आपलं काम चोख बजवावं लागतं हे यातून उत्तम रेखाटण्यात आलं आहे

मालिकेत अंतराची भूमिका साकारली आहे. अभिनेत्री योगिता चव्हाणने. या भूमिकेसाठी तिला विशेष मेहनत घ्यावी लागली आहे. यासाठी योगिताने रिक्षा चालवायला शिकली आहे. इतकंच नव्हे तर तिच्यासमोर मोठं आव्हान होतं ते म्हणजे त्यांच्यासारखे हावभाव, भाषा मात्र सरावाने योगितला तेही आत्मसात झालं आहे.

नुकताच योगिताला सेटवर एक मोठं सरप्राईज मिळालं आहे. योगिताला भेटण्यासाठी चक्क सेटवर महाराष्ट्राची पहिली महिला रिक्षाचालक रेखा दुधाने आल्या होत्या. त्यांना पाहून योगितला अंतराचं संपूर्ण आयुष्य आठवलं. रेखा यांनी आपल्या कुटुंबासाठी हा अनोखा मार्ग अवलंबला होता. त्यांना भेटून योगिताचा आनंद गगनात मावत नव्हता.

याबद्दल बोलताना योगिताने म्हटलं आहे, 'त्या अचानक सेटवर माझ्या रूममध्ये मला भेटण्यासाठी आल्या, त्यांची डॅशिंग पर्सनॅलिटी पाहून मी निःशब्द झाले. मला काहीच सुचत नव्हतं. त्यांच्या चेहऱ्यावर एक अनोखं तेज होतं. त्या किल्ली फिरवत एका स्मितहास्यासह माझ्या रूममध्ये आल्या. मी त्यांना पाहतच राहिले'.

त्यांनी माझ्या भूमिकेचं कौतुक केलं यावेळी मी माझ्या डोळ्यातील अश्रू मोठ्या कष्टाने रोखले. तसेच त्यांच्या आशीर्वादाने आणि महाराष्ट्रातील रसिकांच्या प्रेमाने मला 'अंतरा' साकारणं सोपं होई. मी या भूमिकेला अजून न्याय देऊ शकेन. मालिकेतलं रांगड्या रिक्षाचालक अंतराने सर्वांच्याच मनात घर केलं आहे.